أفكار لزفة عروس

والله أختي كان ودي أساعدج بس أنا حالتي مثل حالتج أبي أفكار لزفتي بس إذا لقيت أو طرا على بالي شي بطرحه عشان الكل يستفيد

مرحبا حمده :
عندي كم فكره راح اقولها لك كمثال وانتي شوفي اللي يناسبك :
1) وهو انه يجي العريس وحده يمشي على موسيقى او اغنيه او زفه محمد عبده الين يوصل للمنصه ( الكوشه )
طيب يكون وجهه وقتها للمعازيم طبعاً الحريم المهم تجي فهالوقت العروسه
وطبعاً يشغلون لها اغنية عبدالمجيد عبدالله اذهلتني يوم صوبي مقبله اضنك عارفتها وطبعاً الى ما تجي للكوشه وبعدين يمسك يدها ويقبل راسها وتقوم برش الورد على الحضور .
2) وهو انه يجي العريس ايضاً وحده ماسك بيده المسكه تبع الورد تبع العروس ويمشي ليصل لدرجه المنصه
وقف عندها تقوم تجي العروس ويشغلون لها اغنية علي بن محمد اقبلت الين تقرب منه يقوم هو يعطيها المسكه
ويقبل جبينها وياخذها ويجلسون .
في حركه طلعو فيها حلوه وهي انهم ياخذون فلوس ريال ، خمس ريال ، عشر ريال ، ويقومون بلف كل ورقه منها
بسولفان الهدايا يعني تصير مطويه وعليها سلوفان وتعبى في سله ويمسك بها العريس لحين قدومه للممر ويقوم
رشها على الحضور والله جد سله يعبيها ويرشها تلاقين الناس يلومون من تحته
كانهم جايين من مجاعة افريقيا اخ .
ايضاً في حركه التقائهم في نقطه معينه طبعاً عارفتها لانها هي المنتشره والسايده وهي كل واحد منهم يجي من
جنب من جوانب القاعه او القصر او الفندق على حسب اذا لم يكن به ممرين ويلتقون في نقطه واحده ويقبل جبينها
ويمسك يدها ويطلعون للمنصه .
اتمنى اعجبك شي
وان كان المتعارف عليه هي الزفه القديمه التي لم يزل الناس لا يؤمنون بغيرها .
تحياتي لكي ..
الهنوف

الله يعطيج العافية يا الهنوف أفكارج وايد حلوة بتناقش مع ريلي بخصوصها لأنه يقول يستحي يدخل بس بحاول معاه، وإذا عندج أفكار للعروس وحدها لاتبخلين علينا ومشكورة.
وفراشة قطر الحلوة شوفي الأفكار إلي عطتني إياها الهنوف يمكن تعجبج.
إختكم
حم ع دة

شوفي عزيزتي عندي لك كم حركه ان شاء الله تستفيدين منها
في احد اعراس الرياض..سمعت ان من الحركات اللي يسوونها عند دخول العرووس..انهم حاطين عروس بتابووت هذا اللي حق الاموات
وحاملينا...ويصير اللي حاملينا لابسين اثواب بيضاء ويمشون فيها
لين يوصلون للمكان وينزلون التابووت على الارض...بعدين يجي المعرس ويفتح التابووت ويقبلها ويقومها من التابوت..
انا هذي الحركه ما اعجبتني
1/ كانت زفه فكرتها أني دخلت اخوها 4 ابتدائي ولبسته لبس السندباد وكانت كوشتي خلفيتها قلعة السندباد وفي يده صندوق فيها لمبات صغيره مره بعدين لما طفو اللمبات صار كأن الصندوق يشع نور وبداخل الصندوق كانت المسكة حقتي اللي فيها ورد على شكل فانوس وهو داخل الصاله كانت فيه ايقاعات مثل صوت رجوله وهو يمشي وبعدين جلس في نهاية الجسر على مقدمة المسرح وجلس يحك الفانوس وطلع بخار وبدت إيقاعات وصوت الشاعر يصف ما يريده الولد من العفريت من صفات العروس وبعدها دخلت والشاعر يووصف الى أن وصلت عنده وسلمت عليه وحب(قبلها) يدي وعطاني المسكه وبعدها جلست على كرسي المسرح متربعه ونافخه صدري
والكل صار يتكلم عن زواجها ((فكرة غريبه))
2/ حركة ثانية في إحدى الأعراس عملوا لبنتهم زفتين الأولى كانت داخله بمظهر العروس القديمة ويغنو عليها أغاني قديمه وبعدين تطلع وتلبس الثوب الأبيض (العروس الجديده) ويغنوا عليها بصراحه العرس والزفة كانت إبداع والكل يتكلم عنه
========
كثيره الافكار للزفه .. يعني ممكن يفتح الباب ويتجه النور نحو العروسه وتبتدي الزغاريد والف صلي وسلم عليك ياحبيب الله محمد طبعا فاهمه وش اقصد انا بعدين يسكت الزغاريد وتشتغل موسيقي هاديه لمده كم دقيقه وفي وقتها تنزل شاشه تعرض صورك من يوم ما انولدتي الين صور زواجك وتكون بشكل سريع في خلال القاء قصيده شعريه للزفه وتنتهي القصيده ساعتها كيفك ياتكونين طالبه اغنيه وتشغلينها وانتي تمشين او موسيقى كلاسيك نفس الشي وانتي تمشين لين توصلين الكوشه
فكره ثانيه اني تخلين كوشتك as simple as you can يعني خليها بسيطه قد ماتقدرين وموسيقى كلاسيكيه بيكون حفل زفاف بسيط وحلو
فكره ثالثه ممكن تخلين كوشتك كانها جزيره من جزر هاواي وقبل الزفه تجيبين بنتين صغار وتلبسينهم لباس اهل الجزيره ويقعدون على حافه الكوشه ودرج الكوشه يكون كانه خشب زي درج للكوخ وانتي تجين وتقعدين على الكوشه
اتمنى تعجبك

الله يعافيكم لا تبخلون علينا بالأفكار
ودي بافكار جديدة وما أحد سمع فيها
أرجوكم

شكرا لكل من وضع فكرة جميلة عاد إحنا ممكن نسوي مكس شوي من هني وشوي من هني وتترقع السالفة خ

افكار كتير حلوة بس انا من انصار الزفة الكلسيك لانه ساعتها اللي حتكوني النجمة وحديث الساعة مو ايه شي وفي الختام انيوفقك الله ويجمع بينكم بخير انه سميع مجيب وسلامتكم

مرحبا
أنا أقدر أساعدج بعطيج رقم مكتب وحدة مواطنة إماراتية توفر لج كل شي من حجز القاعة إلى شهر العسل وأنا حضرت عرس كانت هي إلى مرتبه اعرس كله لكن والله كان خيال ولا قصة ألف ليلة وليلة حتى الفساتين أتجيبها من أوروبا كل شي تحتاجه العروس توفره وخذت البروشور مالهم بعطيج بطبعه لج وانت أتصلي وكلميها
شبيك لبيك يا عروسة
تشكل حفلة الزفاف مناسبة أسطورية بالنسبة للعروسين يسعيان الى تنظيمها بعناية خاصة لتترك لديهما ولدى الحاضرين ذكريات لا تنسى.
ولكن ما هي الخصائص التي تنظم على أساسها حفلة الزفاف والعناصر الأساسية لزينة هذه الليلة وكيف يتم تنسيقها؟
الجواب لدى قصر الأحلام ما عليك سوى تعبئة الطلب وتحديد ميزانيتك ونحن نقوم بالباقي حيث ننطلق من فكرة معينة يختارها العروسان ونعمل على تطويرها وتعميمها على كل تفاصيل الحفلة من حجز القاعة وتزيينها إلى تزين الطاولات ، تصميم الكوشة ، تصميم فستان العروس ، مسكة العروس ، بطاقات الدعوة وقالب الحلوى والأضاءة والموسيقى إلى زفة العروس ..... وقد ترتبط الفكرة الأساسية بلون معين أو بطراز معين كالأسلوب الأندلسي أو التركي أو الهندي وغيره.....في هذه الحالة ترتبط كل المواضيع من الكوشة وبطاقات الدعوة إلى فستان العروس وطريقة الزفة .... ارتباطاً مباشراً بالفكرة التي يتم اختيارها .واهتمامنا في هذه الحالة لايقتصر على حفلة الزفاف فقط بل سنقوم بالتنسيق لشهر العسل ما عليك سوى حزم أمتعتك و أتركي الباقي علينا.
ممنوع تبادل الأرقام ... يمكنك المراسلة على الخاص

عندي لك فكره حلوه قبل لا تدخل العروس
جيبي ولد عمره 6 سنوات وبنت 6 سنوات انتي وكيفك اي عمر المهم لبسى البنت لبس عروس لبسيها طرحه وثوب عروس ومسكه ورده والولد لبسيه بشت وغتره وعقال وخليهم يدخلون بموسيقه حلوه لحد الكوشه ويقعدون وانتي ادخلي بعدها بقصيده
شرايك