أكبر موضوع لتجهيز العروس وتثقيف البنات نصائح اقتراحات واستفسارات مع لحن الأشواق

السلام عليكم ورحمة الله ..
اهلين بنات كيفكوون ان شاء الله بخير
الموضوع هذا تعبت عليه من جد علشان كذا انا ماراح ارضي لنقله لأي موقع
راح اعطيكم فكره شوي عن الموضوع ...
الموضوع هذا مفيدا جداً للبنات والعرايس (ومايمنع المتزوجاات )
الموضوع راح يحتوي على نصايح للبنات العرايس (وغير العرايس ) بكل شي
وراح يكون فيه دورات من المكياج وغيرها ان شاء الله ..
وكمان فيه مفاجاة روعه لعرايسناا
اولاً: راح احط لكم المكياج من الي ايش احسن شي وايش يناسب ولو قدرت راح احط لكم الأسعار ان شاء الله
يعني بدايتناا راح تكون في المكياج وبعدين راح نتطرق للملابس والتجهزات الثانيه وراح يكوم لها مواضيع خارجيه راح تضاف روابطهاا للموضوع الرئسي هذا ان شاء الله
هنا يابنات اي عروس او اي بنت محتاره في المكياج او مالها خبرة وخلفيه فيه ان شاء الله راح تعرف معنا كل شي هنا الأستفسارات الأقتراحات الدورات جمعيناً ماراح نقصر مع بعض ان شاء الله
ولو شفت اقبال على الموضوع راح نكمل لحد التجهيزات الخارجيه من كوشة وقاعات وفرقات وغيره
خلوناا الحين في المكياج.."
راح اعرض عليكم كل ماركة ايش افضل شي عندها .."
قبل لا أبدأ الملف ، أحب أنوّه على شيمهمة :

• نصيحتي لكل عروس وبنت إنها تبحث عن المنتج الجيد والنوعية الجيدة والماركة الجيدة بغض النظر

عن السعر ،
وتأكدوا إن :
مو كل منتج جيّد غالي ،
ولا كل منتج ردئ رخيص ،،

• أيضاً التنويع في المكياج مطلوب ، يعني المكياج ما يكون من ماركة وحدة ، لأن مستحيل

نلاقي ماركة جميع منتجاتها بنفس الجودة ،، فانتبهوا ،
نبدأ الملف بمنتجات الوجه ،
طبعاً كل عروس تحتاج الآتي :

• بيس أو مثبت ، ولاحظوا قلت ( أو ) يعني إذا كان عندها بيس ف يكفيها عن المثبت والعكس ،
• عدد 2 كريم أساس ، أساس تكون تغطيته جيدة للمناسبات والسهرات ويكون أفتح من لون بشرتها

بدرجة أو درجتين ، وأساس عادي أو خنقول يومي للطلعات العادية وللصبح وممكن للبيت تستخدمه ،
(( طبعاً العدد اللي حددته اهو المفروض يكون عند كل عروس تجهز على الأقل ، وممكن العروس تشتري
أكثر من 2 أو 3 أو 4 على حسب احتياجاتها إستخداماتها وعلى حسب طلعاتها وعزايمها ومناسباتها ، ))

• عدد 2 بودرة مضغوطة ،
• بودرة سائبة ،
• بودرة لل إضاءة أو كريم إضاءة ،

نبدأ مع المنتجات ،،
اولا شي احب استأذن الأخت كل الدلع والحلا .. بنقل بعض النقاط المهم واللي راح تفيد البنات ان شاء الله
طبعاًمن افضل ماركات المكياج ماركة .. مكياجي .. والإنجاز الساحق لها هو هالمجموعة ..
وهو عبارة عن كحل أسود فاحم .. وشدو أسود ..مع فرش للمكياج ..ومسكارا والآي لانر ...
وهذي مجموعة الموج الأزرق ..
وهذي اليّ جربتهم ... وفيه مجموعة لونها أخضر ..
وفيه شئ حلو من عندهم وهو .. الشدو الكريمي .. ما يأخذ معك وقت ويصلح للجامعة والمناسبات الخفيفة أو طلعات العصريه ..
وأرقام درجاتها مكتوبة تحته ..
وقلم الحواجب حلو وعملي .. لكن لازم تجربينه على يدك وتشوفين كيف..

• من أفضل المثبتاات اللي استخدمتها اهو مثبت ماك البخاخ ، مره حلو ،

والأحلى إنه يحتوي على فيتامينات مغذية تعطي حيوية وإشراقة للبشرة ، ممكن استخدامه قبل الأساس
وممكن ك آخر مرحلة في المكياح ، مع إن استخدامه قبل المكياج يكون أفضل ، وممكن استخدامه
لوحده بدون مكياج ،
وفيه مثبت ميك أب فور إيفر ، بس ما جربته ، لكن باين عليه حلو من تجارب البنات اللي قريتهم ،
وفيه مثبت جيفنشي يمدحونه البنات ،، وفيه مثبت كريولان مره يمدحونه بس ما جربتهم ،،

• بالنسبة للبيس معظم الماركات أو بالأحرى كل الماركات عندهم بيس والبيس هو منتج تحضيري

يهيئ البشرة ويحضرها لوضع الأساس بالإضافة إلى إنه يثبت الأساس والمكياج عموماً ويكوّن طبقة
عازلة بين البشرة والأساس ، ويعطي حيوية للبشرة ،
من أفضل الأنواع اللي أرشحها للعرايس هو بيس كانيبو اللي تشوفونه بالصورة ، مره حلو
يثبت ويعطي إشراقة وحيوية للبشرة ، وعن تجربة يخلي البشرة تظهر ب لوك مخملي ،
بيس ماك أو البرايمر من ماك حلو ويخلي البشرة ناعمة بشكل مره مره حلو
بالنسبة ل بيس فور إيفر أحي إنه عادي من تجربة أختي ، لأني ما جربته ، أختي بشرتها عادية
وجربت بيس فور إيفر البيج وتقول إنها ما حست بفرق وايد في مظهر بشرتها ،
وأحب أقول نقطة :
لو تلاحظون إن فيه بعض الماركات ال بيس عندهم بعدة ألوان ، كل لون له وظيفة معينة ،
ممكن البياعة تقنعج بلون معين مثلاً البنفسجي للبشرة الباهتة والتعبانة ، أو اللون الأخضر
للبشرات الحمراء أو اللي تعاني من الحبوب ، بس نصيحة ترى اللون ما له تأثير كبير ،
لذلك اختاري الشفاف أفضل شي ،
ام نبدأ بالأساسات ،،
في هالصورة بتلاقون أحلى ثلاث أساسات عندي ،
جيرلان + كانيبو + جورجيو أرماني ،
جيرلان ( ديفينورا ) من أفضل الأساسات اللي جربتهم ، مرره حلو على بشرتي ، وللأمانة ما مدحته لوحدة إلا
وشرته وجربته الحمدلله وأولهم أختي ،
طبعاً لو تلاحظون إن لا جيرلان عندهم كذا أساس ، إيسيما واهو أساس وبنفس الوقت علاج وفيه منه
نوعين للبشرات الجافة + الدهنية ،
وديفينورا فيه منه نوعين بعد مطفي وشبه مطفي ، أنا اللي عندي شبه مطفي وعلى فكرة
يناسب جميع البشرات ،
كانيبو وبما إن بشرتي دهنية فأخذت السائل ال Liquid Finish
لكن إذا بشرتك كانت جافة فأنصحك بالأساس الكريمي لأنه الأنسب للبشرات الجافة Cream Finish
وتغطيته أحلى وأعلى من ال Liquid Finish
جورجيو أرماني مع إن الماركة توها جديدة في السوق الخليجي
إلا إنها لها شعبية بفضل منتجاتها الراقية ، فعلاً منتجاتها راقية وشكلها شيك وبنفس الوقت جودتها
عالية ، أساسهم Matte Silk Foundation مرره حلو ويناسب البشرات الدهنية لأنه يعطي لوك مطفي
للبشرة ،،
أساس لابريري بالكافيار ، بصراحة أشوف هالأساس أخذ سمعة لأنه غالي بس ،
هوو حلو على البشرة وتغطيته حلوة لكن فيه أساسات بصراحة أحلى منه مثل أساس
ديفيينورا من جيرلان ، حلاة الأساس في مكوناته وأهمها الكافيار ، هوو غالي لأنه
بالكافيار ومثل ما إنتو عارفين الكافيار غالي ،
أساس إستي لودر ال MAXIMUM COVER
+
أساس كلينك ال Skin Smoother Pore Minimizing Makeup
طبعاً ال MAXIMUM COVER مرره تغطيته ثقيلة ، وما عجبني ابد ،
المفروض يتخفف بأساس سائل أو على الأقل مرطب ، لأنه ثقيل وما عجبني ،
اللي تبي تغطية قوية وعالية ممكن تجرب كونسيلر من فور إيفر اسمه ال
FULL COVER
وفعلاً تغطيته عالية جداً ويعطي لوك حلو أحلى وأفضل من ال MAXIMUM COVER
أما بالنسبة لأساس كلينك ، فهو حلو مثل الموس واهو علاجي للمسامات ، يعني مع الإستمرار
المنتظم راح تقل المسامات عن قبل ، مظهره مثل البودرة خفيف وبنفس الوقت يعطي تغطية
ولوك حلو ومطفي وبنفي الوقت يقلل من مظهر المسامات المزعج ،
هذا الأساس المضغوط من شيسيدو واسمه :
Shiseido Hydro-Liquid Compact Foundation
طبعاً هالأساس يناسب البشرات الجافة لأنه يساعد البشرة على الإحتفاظ بالرطوبة ،
مرره حلو وبنفس الوقت عملي ويتوزع على البشرة بكل سهولة ، شريته مع إن بشرتي دهنية
لكن مظهره على وجه البياعة أغراني بصراحة ، والأٍسبوع اللي فات جربته وكان في البداية
مرره حلو لكن بعد مرور الوقت حسيت إن بشرتي مدهنة ، يبيله ال Oil control
نتكلم عن كريمات الإضاءة ،
أحب كريمات الإضاءة لأنها تعطي حيوية وإشراقة للبشرة ، إشراقة طبيعية مو مصطنعة ،
ومعظم الماركات عندهم كريمات إضاءة ، وفيه كريمات إضاءة شفافة ، وفيه كريمات إضاءة ملونة مثل الموجود
عند فور إيفر ،،
الحلو بكريمات الإضاءة إنك ممكن تستخدمينها بأي وقت ، بالصبح أو بالعصرر أو بالليل ،
لأن لمعتها مناسبة لأي وقت وموو قوية ،،
في هالصورة كريمين إضاءة جربتهم وراح أقول لكم رأيي ،
ال strobe cream من ماك ،
+
ال skinlight من ريفلون ،
طبعاً الأحلى اللي من ماك ، مرره حلو وعلى فكرة ال strobe cream إضاءة + مرطب ،
يعطي ترطيب وبنفس الوقت ممكن إستخدامه ك بيس قبل المكياج ،،
ام فيه بعد كريم إضاءة وايد حلو من فور إيفر اسمه
DIAMOND CREAM
فيه منه ألوان بس أحلى لونين اللؤلؤي والوردي ،،
باختصار
معظم الماركات إن لم كلها عندهم كريمات إضاءة تعطي إشراقة وحيوية للبشرة ، طبعاً هالكريمات فيه
منهم الشفاف وفيه منهم الملون أو الملون الشفاف اللي يعطي لمسة لون ،
لكن أفضل كريمين إضاءة جربتهم ال ستروب كريم من ماك + ال دايموند كريم من فور إيفر ،
نكمل مع البودرات بأنواعها والبلاشرات ،،
اللي شايفينهم بالصورتين أحلى ثلاث بوادر تقريباً
ديفينورا الذهبية من جيرلان
Exquisitely fine powder foundation Compact
+
جورجيو أرماني
silk foundation powder
+
كانيبو
total finish
هالبودرات تغطيتهم مخملية لأنهم عبارة عن أساس + باودر ، لذلك تلاحظون تغطيتهم أحلى وأعلى من البودرات العادية ،
البودرات العادية ، تكون بهذه المسميات :
pressed powder
أو
compact powder
وهذي تكون تغطيتهم عادية وخفيفة لأنها عبارة عن بودرة فقط بعكس اللي فوق ،،
وفيه بودرة حلوة من فور إيفر اسمها :
POWDER FOUNDATION
هالبودرة مرره يمدحها الماكيير بسام فتوح واستخدمها في الدورة اللي صارت بالكويت
ويقول إنه يستخدها ل أليسا & هيفا وهبي ،
هذي اللوس باودر ،
وظيفة اللوس باودر أو خنقول مميزاتها :

• تعطي مظهر مطفي رائع للبشرة بحيث تمتص أي دهون على البشرة ،
• تساعد على تثبيت الأساس ،
• ممكن وضعها تحت العين لإلتقاط الشادو المتساقط وبحيث ما تتدمر هالمنطقة ،

:
كانيبو
+
botanics << ماركة نباتية تلاقونها في صيدليات بوتس ،
+
فور إيفر
الحلو في بودرة كانيبو + بوتانكس إنهم :
Transparent
بمعنى إنهم شفافين ، ما يعطون لون بقدر ما يساعدون على تثبيت الأساس وإعطاء لوك مطفي
بالإضافة إلى تنظيف منطقة العين من أي شادو متساقط ،
وفيهم ذرات لمعة صغيرة جداً ،
طبعاً من وجهة نظري اللوس باودر الشفاف هو الأفضل لمنطقة العين ،
أما بالنسبة ل فور إيفر اسمها :
SUPER MATTE LOOSE POWDER
هذه البودرة تعطي لوك مطفي 100% ، وتناسب البشرات الدهنية ، وهالبودرة لونية يعني مو شفافة ،
ويوجد منها عدة درجات لكل ألوان البشرة ،،
جيرلان ،،
ألحين نتكلم عن بودرات اللمعة ،،
في هالصورة بتلاقون أربع بودرات ،
أسوأهم من ريفلون،،
طبعاً الأفضل في بودرة اللمعة إنها تكون لوس باودر ، ما أفضّل تكون مضغوطة ،،
تدرون ليش ؟!
لأنها أثبت واللمعة تكون أقوى ، وطريقتها تحطينها بالفرشاة وقبل لا تحطينها تنفخين وبعدين
تتوزع على كامل الوجه وراح تلاحطون إن اللمعة قوية بعد ما نفختوا الزايد من البودرة راح تظل ذرات
اللمعة على الفرشاة وبكذا بتكون اللمعة أقوى <<< هالطريقة مجربتها ،،
بنات الكويت أنصحهم ببودرات شارمل لمعتها قوية وبنفيس الوقت عندهم تدرجات كثيرره ،
أما باقي البنات ف ممكن يشوفون بودرات :
نارس :
NARS SPARKLING LOOSE POWDER
أو
ماك ،
Iridescent Powder Loose
ماك عندهم لونين ،
البرونز
Golden Bronze
والفضي ،
Silver Dusk
جيفنشي << لمعتها مرره حلوة ،،
PRISME LIBRE Loose Powder SPARKLING DENTELLE
كلينك ،
Brightening Loose Powder
يتبع؛؛