أكره أم زوجي وأتمنى موتها

1. الظاهر ان رب العالمين مايحبها علشان جذي عباده وخلايقه مايحبونها

أكره أم زوجي .. وأتمنى موتها !!!
سبحان الله أم زوجي امرأة مكروهة محد يحبها كلش حتى زوجها وعيالها كلهم والناس والجيران وحتى أحفادها يسبونها ( الحمد لله والشكر )

الظاهر ان رب العالمين مايحبها علشان جذي عباده وخلايقه مايحبونها

ما أحب أحتك فيها بصراحة لسانها وسخ وطويل .. وانا ما اقدر أرد عليها بأسلوبها لأنها صج واطيه
أولادها وبناتها مايحبونها لأنها دايما تذمهم جدام الناس وتعيب عيالها وما تذكرهم بالخير ومطلعة روح زوجها لدرجة ان حتى الجيران اشتكوا عليها في الشرطة من الازعاج اللي تسويه في الفريج لما تتهاوش مع زوجها ، وفيها عقدة نفسية ماتحب تشوف أي أحد من عيالها مستانس ويحب زوجته خصوصا أنا ما تحبني لأني أحب زوجي وأسمع كلامه وهي تحب تشوف عيالها متنكدين في حياتهم ودايما في مشاكل
حتى بنتها تغير منها لأن خطيبها يدلعها ....
وعندها فلوس في البنك وايد وماتطلع زكاة عليهم وتعبت وأنا أقول لها زكي كل سنة ترى حرام الله بيحرقج فيهم بس ماتسمع الكلام وأهم شي عنده الفلوس وما تخاف من الله
بصراحة أكرهها وأتمنى حماة تحبني وكل ما اشوف حماة زينة أتحسر على حظي معاها مطفشتني ( حسبي الله ونعم الوكيل )
كل ذنبي اني مريحة ولدها وشايلته !!!!!!!!!!!!!!!! أنا الحين بعيدة عنها وعن شرها وما اروح لها الا في المناسبات
وبصراحة حاولت اخليها تحبني بكل الطرق بالحب والهدايا وبكل شي بس
( ان أكرمت الكريم ملكته ، وان أكرمت اللئيم تمردا ) مثل 100 % صحيح ( مجربة )