أمانه تكفون ماجيت هالمنتدى الا ابيكم تسمعون السالفه وتقترحون حل

السلام عليكم ورحمة الله وبركاته ...
انا سالفتي مو بلحالي انا واخواتي والله العظيم اني بكل كلمه صادقه وانه شي مايدخل الراس
حنا 4 بنات متزوجات وكلنا نفس المشكله ان ازواجنا مايتحملون منا اي شي 2 من اخواتي ينطقون
و2 اوانا منهم اهانه بالكلام والسب .. بدون سبب والله العظيم كل مانفتح موضوع وجينا نتناقش فيه
قبت مشكله كبيره ويقعدون يسبون في كل شي فينا وفي اهلنا بدون اي وجه حق ليه عشان نتكلم
وش كلامنا .؟؟؟؟ والله كل كلامنا محترم يعني زي الله يهديك ليه الله يجزاك خير الله يصلحك وتكفى
مافيه اي مرره سبيت فيها زوجي ولا تعرضت له بأي اهانه واهله حاطتهم فوق راسي ومع هذا مايبين في عينه والله اني زوجه صالحه وكذلك اخواتي والله العظيم ماقول الا الصدق
مانضغط علي ازواجنا وكل شي ينقال لنا طيب وفي حالنا ونخاف الله في ازواجنا ومع هذا ماسلمنا
اخواتي .. الكبيره عندها بنتين وولدين والثانيه بنت وولد والثالثه ولد وانا الرابعه مابعد احمل ونفس الموضوع
الكبيره قبل كم شهر تطلقت لانه طقها ويقول لها انا مدري وش فيني اذا دخلت بيتي اصير شخص ثاني
يبدا يسب ويطق ويشتم واختي مسكينه ساكته عشان عيالها لها 10 سنين متزوجه بس اخر مره طقها طق الله لايوريكم وطلبت الطلاق وطلقها بس الغريب انه يقول انا مدري وش فيني من ادخل بيتي انقلب ويمدح اختي اذا كان راضي بس لما يدخل البيت تجي المشاكل ويجي الشيطان !!!
اما خواتي وانا الله كريم حياتنا مهدده بالطلاق في اي لحظه والله يااخوات الغريب في الامر ان مشاكلنا كلها تجي في وقت واحد لدرجه صرنا نمزح يعني لو صارت لي مشكله قلت اصبرو بعد شوي بيجيكم الدور وفعلا مشاكل كبيره واهانات ومذله والله عالم بحالنا بس صابرين .. والله يابنات احس ان فينا عين حنا جميلات مره ولله الحمدلله ومن عائله محترمه .. يعني 4 اخوات كلنا نفس المشكله
وبنفس الوقت يعني ماجبنا لنا المشاكل بلعكس انسب وانهان واجي اضحك بوجه زوجي متحمله كثير واصبر بس اغلب ازواج اخواتي ومنهم زوجي اذا انتهت المشكله وكان راضي جا يقول لي انا والله ماادري ليه اسوي كذا ولاتاخذين كلامي على محمل الجد ومن هالكلام يعني هم مستغربين !
والله حالتنا صعبه الحمدلله على كل حال انا راضيه وخواتي راضيات بس مشكله اللي وراه عيال ماعاد ندري وش الحل اختي وارتاحت وباقي حنا والله ييسر امورنا .. شي غريب والله ماعرفنا له حل
تكفون ابي مشورتكم بهالموضوع والله العظيم احس ان وضعنا موب طبيعي لان ازواجنا مو عارفين ليه يسوون كذا كل مانجتمع معهم تصير المشاكل طبعا مابي اطول عليكم واقولكم وش يصير بس اشياء
تحزن مرره ..
تكفون ادعووا لنا الله يخليكم محتاجين الدعاء
السلام عليكم