أنا متضايقه وحالتي النفسيه تعبانه ممكن المساعده

ثمان دخلو ولا وحده ردت
بليز

يا عمري انتي .. الله يصبرك .. ويعينك .. لا تفكرين كذا .. بالعكس انتي الحمدلله اخر سنه كليه .. غيرك تزوج اول سنة , صح؟ ولا ضرهم الحمدلله .. بالعكس بعضهم تحسن مستواهم الدراسي .. عاد يعتمد عالبنت نفسها انتي وشطارتك ..
واذا على شهر العسل ان شاءالله قدامكم العمر كله تعيشونه في عسل يارب .. مو شرط ان شهر العسل يكون احلى شهر في الزواج .. تقدرين انتي برومانسيتك وحنانك وحبك تخلين حياتكم كلها عمر عسل .. وهو اذا شافك تعاملينه كذا صدقيني باذن الله راح يعاملك بالمثل .. بس الصبر مهم والاحترام بعد ..
وان شاءالله بعد ما تخلصين دراستك تسافرون وتضربون عصفورين بحجر .. منها تحتفلين بزواجكم وفي نفس الوقت بتخرجك صح ؟؟؟
بدل ما تصير فرحه تصير فرحتين ..
لا تخلين الناس والافكار السلبيه تأثر على نفسيتك .. خلي تركيزك على الامور الايجابيه في الموضوع وخلي ذكرالله دايم على لسانك بترتاحين صدقيني انا مجربتها وكنت اشوف مشكلتي كبيره .. بس الحين الحمدلله انا اسعد زوجه في الدنيا وان شاءالله انتي بعد تصيرين مثلي ..
هذي فتره حلوه من حياتك لا تقضينها بالحسره على الدراسه وشهر العسل !! زي ما قلت لك ..

مشكوره
والله ريحتيني
لاني كنت متضايقه
الله يريحك ويسعدك اكثر واكثر
وين تفاعل فراشات المنتدى

لا يضيق صدرك ولا تتعبين .. ومثل ماقالتلك الاخت قدامكم العمر كله، وبعدين الامتحانات كم بتاخذ منك (أيام وتنتهي على خير إن شاء الله ) وبعدها تكملين عسلك بالراحة .. مافيها شي لوقطعتي شهر العسل أسبوع أو اثنين وبعدها بترجعين لحياتك الطبيعية يعني أزمة وتعدي ولا تشيلين هم. بس انتي فهمي زوجك من الحين عشان يقدر وضعك في هالسنة .. وبالتوفيق

بس المشكله اني بكمل دراستي عند اهلي
واخاف يجيني كل يوم ويلهيني عن دراستي لان طبعا ثلاث ايام ماتكفيه

أولا ألف مبروك وإن شاء الله كل أيامك تصير عسل ياعمري لايضيق صدرك ولاشئ وكل شئ يكون مثل ماتمنين وأحسن بإذن الله أنت فكري إنها كم شهر وتتخرجين وتفتكين من الهم وتعوصين نفسك وزوجك كل اللي فات وإن شاء الله يطلع إنسان متفهم ويساعدك في الفتره الصعبه الله يوفقك يارب

إن شاء الله بتعرسين وبتعسلين وبتقدمين الامتحان وبتتوفقين بإذن الله
بس إنت قولي إن شاء الله

حبيبتي حاولي تتكلمي مع خطيبك وتشرحي موقفك انا واثقه انه راح يتفهمك...
حاولي معاه واقنعيه باسلوبك الخاص..
وتغيير موعد الزواج مو صعب اذا هو يقدر مشاعرك اكيد راح
يسمعلك..
والف مبروك الله يوفقك..

الله يوفقك يالغالية والحمد لله الامر مو بالصعوبة اللى انتى متخيلتها وصدقينى مهماكان انتى زوجك عارف ومقدر ضروفك ولامور بتمربسلام بس انتى لا تعطيها اكبر من حجمها ومثل ماقالوا البنات الايام كلها قدامكم عسل ان شاء اللة بس انتى لا تهملين زوجك مقابل دراستك عطية من الوقت الكافى عشان يحس انك مهتمة فية لو ساعتين باليوم وربنا معك ويساعدك ويوفقك وينجحك ياقمرنا