أنا و إنت فينا نعمل فرق كبير دعوة

السلام عليكم ورحمة الله و بركآته
أولاً موضوعي ليس للتشهيروقطع أرزآق ..و إنما وضع حد لكل صاحبة مشغل طماعه
جآية ومقهورة وقلبي بينفجر بسبب طمع أصحآب المشآغل
يعني مو كآفينا غلاء الأسعآر اللي نعاني منه .. جايين يكملون الناقص
أنا كنت أتعامل مع مشغل ( جولي دآم ) بالخبر .. من أول مافتح من 4 أو 5 سنوآت تقريباً ..
كنت أعمل عندهم كل شي .. من تشقير وصبغ و حوآجب اللي بدآية كان سعره 40 ريال
وقص شعر وآستشوآر ومكياج وحف حلاوة وحمام مغربي وبديكير وأشيآء كثيرة ..
ومن 3 سنوآت غيرو أسعارهم
صار التشقير وصبغ الحوآجب ب 50 ريال .. >> آمنا بالله وسكتنا
وآخر مره رحت شقرت فيها عندهم قبل العيد بيوم وكانت الأسعار كماهي
وآختي كانت معي تبي تقص آطرآف شعرها بس
تخيلو بس الأطرآف يعني طول ضفرك تقريبا
قالو لي ب 75 ريال ...!!
قلت لهم آطرآف شعرها بس .. !!!
قالت آيه ب 75 ريال .. >> سكت أنا و أكلت تبن ودفعت المبلغ
دخلت عندها الكوآفيرا ( جنسيتها سوريه أو لبنانية ) وفهمتها أنو ماتقص كثير >> بحكم أنو يدهم تموت بالقص فجأه إلا نص شعرك طاير
وأنا أتكلم معها .. دخلت وحده ( من نفس جنسية الكوآفيرة ) ومعها بنتها ..
وكلمت الكوآفيرا وسلمت عليها وكيفك وشو أخبآرك .. ( بحكم وجود معرفه بينهم )
قالت لها : بدي تقصي أطراف شعر بنتي مع غره .. بكم يطلع ؟
ردت عليها الكوآفيرا : ب 75 ريال
قالت لها : شو ولو رآعينا ..
ردت عليها الكوآفيرا : مشآنك ب 50 ريال ..!!
أنا طقتني البوهه .. وش ذآ ..!!
وعيني عينك ..
فكرت أروح الاستقبال آشتكيهم بس المشكله أن اللي في الاستقبال من نفس جنسيتهم ..
وصاحبة مشغل جولي دآم برضو من نفس جنسيتهم بس متزوجة سعودي ..!!
سكت وآكلت تبن وأنا منقهره ..
يعني أنا آختي بس قص آطرف ب 75 .. وهذيك البنت قص آطراف مع قص غره ب 50 ريال ..!!
يعني لازم يكون عندك محسوبية معهم عشان يرآعونك بالأسعار ..!!
بعدها رحت من يومين أشقر حوآجبي عندهم كالعادة ..
طلعت 50 ريال كعادتي للتشقير والصبغ ..
أتفأجأ بموظفة الاستقبال تقولي : مدآم غيرنا الأسعار ..!!
قلت لها كم : قالت ب 70 صار التشقير مع الصبغ ..
عصبت عليها وسألتها ليش رفعتو الأسعار ..!؟
قالت : هيك
قلت لها : الطمع شين .. ومع السلامة
وحلفت ماعاد أطب لهم
حسبي الله عليهم .. الله لايوفق كل صاحبة مشغل طماعه وتبالغ بالأسعار
الحين تشقير ب 70 ريال ليش
:
يآصاحبة مشغل جولي دآم ..
إنتِ فتحتي أول مشغل لك بالخبر .. والحمدلله ربي وفقك ورزقك وفتحتي فرع بالرآشد مول
وفتحتي بعدها فرع بالدمام ..
الطمع ليه ..!!
ودك تجيك دعاوي الناس ..!!
ترى هذول الناس هم اللي نجحوك ونجحو مشغلك وهم كانو سبب في شهرت مشغلك من بعد الله
ونفس هذول الناس بيكونو إن شاء الله سبب في فشلك من بعد طمعك
رجعي عقلك برآسك ..مشغلك إنتِ اللي بتضيعينه بيدك ..
:
سبب كتابتي ل موضوعي هذا :
هو دعوة ل مقاطعة أي مشغل يرفع أسعاره .. مثل ماكن آحنا سبب في نجاحه نكون ب إذن الله سبب في فشله وخسارته
ماني جاية أقطع أرزآق خلق الله ... بس الإنسان اللي تنعمي عيونه ويصيبه الطمع .. ومايرآعي ظروف وآحوآل زباينه
ماله حق علينا
ماله حق علينا
ماله حق علينا
اللي مايرآعينا مانرآعيه
الإنترنت من أكبر و أشهر وسائل الاتصال وأسرعها
وكل صاحبة مشغل يصيبها طمع وترفع أسعارها .. بتلاقي دعوة مننا ل مقاطعة مشغلها ..
رآعي الله فينا .. نرآعيك ..
وأي وحده منكم يآ بنات كانت تتعامل مع مشغل ورفع أسعاره .. تكتب عنه وننشره
( دعوة للمقاطعه يد وحدة ماتصفق )
ونكتب قائمة ب المشاغل اللي ترفع أسعارها ...
الكلام هذا تجربة شخصية مني أنا ( توفي المنتوفي ) و أقسم بالله العظيم إني ما ظلمتها
واللي تبي تتأكد تروح تشوف الأسعار ..
وآحلل نقله ونشره ب أي طريقة كانت
منتديات / إيميلات / برودكاست / فيس بوك ... ب كل مكآن