أنا واختلاف الأطباء

ألا أيها الليل الطويل ألا انجلي؟؟؟
أكيد الكل تعب من الروحه والجيه على الدكاتره ...
أكيد الكل تعب من انتظار الحمل كل شهر؟؟
وهذي قصتي التي في الحقيقه ليست حزينه بمقدار تعقيدها؟؟
مشكلتي بدأت من الشهر الثاني من الزواج الي حملت فيه وكانت فرحه لاتوصف؟
بعدها سقطت بعد خمسة ايام من معرفتي بالخبر وكان من غير عملية تنظيف لأنه
صغير لكن العذاب في كل لحظه ينزل فيه الدم والألم ولاتقدرين اتسوين شي؟؟
بعدها قعدت فتره من غير حمل حللت كل التحاليل طلعت سليمه؟؟حتى اشعة الصبغه سويتها
بعد سنه ونصف حملت ؟ونفس الشي صار التسقيط؟؟
وطبعا كلام الناس والنصايح؟ ياكثرها؟؟
الي يقول فيك التابعه؟؟والي يقول روحي الدهانه؟؟
ورحت للدهانه ولا حملت؟المهم رحت للدكتور بعد التسقيط الثاني قالي
يمكن هذا مب حمل معقول تسقطين بها السرعه؟قلت له يادكتور انا حللت في البيت
طلع خطين ورحت وحللت دم طلع موجب فيه حمل؟قال لازم يكتبون نسبة هرمون
الحمل مب بس موجب اوسالب؟؟وطلعت وانا متحطمه مب عارفه حمل ولا لا؟
رحت للدكتوره ثانيه؟قالت لي ماعليش من الدكتور هذا حمل؟قلت لها شسبب
التسقيط سوت التحاليل كلها بعدين قالت مافي سبب؟رغم ان الدكاتره كلهم ممتازين؟؟
الي رحت لهم وانا الحين لي اربع سنوات على هالحال؟؟
آخر شي سمعت عن وحده استشاريه ممتازه وصرت اتصل فيها
قلت لها عن حالتي قالت عيدي تحليل هرمون الحليب يمكن مرتفع
وفعلا حللت وطلع مرتفع ؟خذت دوا دوستينكس قالي دكتوري اخذيه مرتين في الأسبوع
بعدين قطعيه ؟قات الإستشاريه لا؟؟؟ لاتقطعينه لين تحملين؟
رغم ان الهرمون الحين نزل؟بعدين كشفت علي دكتوره قالت فيك قرحه
رغم اني كويتهامن قبل فتره قصيره ؟شلون طلعت؟؟سألت الإستشاريه قالت ماعليش منها
ولا تكوين ولاشي ؟بعدين قالت جاك نزيف قلت لا؟قالت تحسين بحكه؟قلت لا بس الماي الي
يطلع زايد؟؟قالت لاتخلينها تلعب فيش مافيش شي؟؟؟
وسؤالي (علي اني ادري انه طلعت لكم قروون) الله يعينكم؟
اكوي ولا ماكوي وهل فيه تحاميل زينه؟حق القرحه؟
هل الي كان فيني حمل ام لا؟
وابي دعائكم الله لايحرم كل مشتاقه
خصوصا انا لي ست شهور من خذت دوا دوستينكس ولا صار حمل؟؟
اخيرا:
لكم حبي وامتناني بقراءة هذرتي