أنصحوني الله يوفقكم دنياوأخره

السلام عليكم ورحمته الله وبركاته
كيفكم بنات أن شاء الله تكونو بألف خير يارب
وحشتوني كثيرر
وأنا والله مانسيتكم بس ضروف هي اللي أبعدتني واليوم جايه لكم بمشكله الله يحلها يارب
مشكلتي مع زوجي اسال الله العلي العظيم أن يهديه
مشكلتي بأختصار أني مليت من خيانه زوجي أول كان يخوني ويكلم بنات على النت وبعدين الحمد الله تغير شوي وقالي خلاص بتغير
لكن للأسف مافيه فايده رجع لحركاته
والمشكله أني طفشت أهتميت فيه ودلعته وغيرت من أسلوبي كثير لكن دون جدوى وطنشته على قولتهم ولا عاد فكرت فيها ونفس الشي
تخيلو والله يابنات 24 ساعه على النت وياليته يدخل النت عندي لا يسكر عليه في غرفه وبعدين يدخل ولا يطلع ولا أشوفه الا وقت النوم
وأول مايطلع يقولي لاتناقشيني ويخليني وينام
حاولت معه دخلت أمي لكن وأخوانه لكن ولا فاد فيه
مع العلم أن أبوي متوفي الله يرحمه وخوالي مو لمي
واذا زعلت ورحت لأهلي والله أني أجلس بالاسبوع بعدين يدق علي ويقولي أرجعي واذا قلت له لا ماني راجعه الين تتغير
قالي اجل باجي وباخذ بنتي والله اني أضطر وارجع معه وانا عارفه لو أعطيه بنتي ماراح يهتم فيها لان أمه كبيره في السن مرره وتعبانه
وأخته صغيره وتدرس
وانا مااقدر أتخلى عن بنتي ولو ربع ساعه
وأذا جلست عنده ولا رحت لأهلي تخيو والله أنه يقولي روحي أهلك
والله يابنات أن بنتي أذا سالتها وقلت لها نرجع لبابا قلت لا ياماما بابا يقول روحو ماابيكم والله يتقطع قلبي
وأقولها لا بس بابا لأنه مشغول
وربي تعبت ومافيه حل معه الا سويته طنشته وألتفت لحياتي وصرت أدعي له لكن جو قلبي يتقطع وودي
أروح له واقول ليش وليش
بس زوجي من النوع اذا قلت له ليش تسوي كذا عاند وعصب
والحين يقولي أبي أتزوج ويحلف أنه بيتزوج
بنات أسال الله العلي العظيم أن يوفق كل من نصحتني وساعدتني ودورت لي الحل
والله لأأدعي لها ليل ونهار
وجزاكم الله الف خير وسامحوني على الكلام لانه مو مترتب