أهل زوجي وولدي الجديد

السلام عليكم ورحمة الله وبركاته
كيفكم يافراشات ان شاء الله تكونوا في اتم صحة وعافيه يارب
انا حابه استشيركم في في مشكله ويارب تساعدوني
انا باقي لي اسبوع واخلص نفاسي بإذن الله واروح لبيتي بيتي في منطقة ثانيه بعيد عن اهلي
وولدي اول طفل ليا انا وزوجي واهل زوجي فرحانين فيه مع انه عندهم احفاد قبله
بيت اهل زوجي قريب مني مره والي فهمتوا من زوجي انه يبغون ولدي كل يوم يكون عندهم وانا عادتي اروح لهم مره بس بالاسبوع
يبغوني كل يوم ارسله لهم مع زوجي ويجلس عندهم وبعدين يجيبوه ليا وانا االصراحه مره اخاف عليه
وما اقدر ارسله يعني لو رسلته اجلس قلقانه حتى دحين في بيت اهلي ما انام وارتاح الا لما يكون مع امي بس اخاف عليه من الشيل لانه صغير ونحيف دوبه كمل الشهر وكم يوم
وبيت اهل زوج ي ماشاء الله مفتوح الداخل والخارج غير الاطفال مع انهم والله طيبين اهل زوجي وراح يداروا عليه بس وربي اخاف واجلس تجيني افكار من خوفي عليه
مين صار لها زي بالله شوروا عليا بطريقه ماتزعلهم وترضيني ما ابغى احرمهم من حفيدهم
والله يجازيكم كل خير يارب