أهل زوجي

السلام عليكم يا بنات حبيت اطرح لكم مشكلتي ويا أهل زوجي ما أحس انهم يحبون عيالي ما أدري ليش مع انه ام زوج وايد طيبه بس مهملين عيالي بشكل مو طبيعي لدرجة انه العيال ما صاروا يبون يروحون بيت جدهم مجرد انهم يعرفون اننا راحين بيت جدهم لابوهم يرفضون وولدي لما نوصل ما يرضى ينزل من السياره مع انه عمره 4 سنوات يقول مانريد بيتهم نريد بيت جدتي الثانيه اللي هي امي لانه امي واايد تباريهم وتراعيهم وتسبحهم وتشتري لهم الهدايا وماترضى فيهم ابدا بس مشكلت اهل زوجي ما يقربون العيال منهم انا شوه اسوي عيزت وانا افهمهم للعلم اعمارهم صغيره يعني 6 و4 و3 سنوات اخر موقف صار معاي قبل اسبوعين عملت عمليه لبنتي ولا حد جا لعندي يطمن عليها او يزورها صح انها طلعت في نفس اليوم بس انا اشوف انهم مع عيال عيالهم الباقين غير يروحون ويزورونهم
انا اعرف السبب انه زوجي مو من النوع اللي يحط في خاطره ويقول لهم عكس الباقين لانه طيب وعلى نياته الكل ما يسو له سالفه لما قلت له بصراحه انا زعلانه ما احسن انه في حد اهتم من اهلك وسال عن بنتي مع انه الكل يعرف اني راعية واجب ومعاهم في الصغيره قبل الكبيره قال انا نفسج مضايق بس ما كنت ابا اابين لج بس شوه اسوي معاهم اتضارب واقول لهم ما يتوا لبنتي ولا سالتوا عنها قال لي انا لازم ابين لهم اني زعلان منهم انا قلت له انا مو يالسه اقول لك عشان تزعل بس شوه الحل من وجهة نظركم ساعدوني شوه اسوي امي تسال تقول يو اهل ريلج شوه اقول لها اكذب اكيد العيال بيقولون لالالا محد زارنا مع العلم انهم يحبوني واحبهم