إبتسامة مميزة لكل عروس

1. السلام عليكم ورحمة الله وبركاته وبعد .......

السلام عليكم ورحمة الله وبركاته وبعد .......

على الرغم من اني متابعه دائمة لكل مواضيع المنتدى المميزة الا إنه هذه أول مشاركة لي وبإذن الله ما راح تكون الأخيره ، لانه قمة الأنانية الإنسان يستفيد وما يفيد غيره ..على كل راح ادخل بالموضوع وما راح اتأخر عليكم ..
أنا كانت مشكلة حياتي الكبرى بتتمثل بأسناني ، على الرغم من عنايتي الكبيرة فيهم الا اني كنت بعاني من تسوس بالأضراس الخلفية وتسوس بالسن الأمامي بشكل واضح ومحرج ما كنت اتجرأ اضحك أو ابتسم الا وايدي على تمي وأكتر من هيك اني كنت بس افيق من نومي احس بإحساس كريه جدا واحراج مو طبيعي . طبعا أنا من كرهي ورعبي من أطباء الأسنان كنت اتحمل اي شي وهات على أدوية وغسولات من أقوى الأنواع، ولا اني اوصل لعيادتهم بس لما يكون مو باقي الا شهر على عرسي لازم اعمل المستحيل لأخلص من هالمشكلة العويصة ، المهم قررت وأخيرا اني اروح لطبيب أسنان بعد تردد وخوف ورعب كبير المهم وصلت لعند الدكتور وأنا عم ارتجف ومتخيلة انه اوجاع الدنيا كلها راح أحس فيها ، بس بصراحه وبكل أمانه تفاجأت وذهلت انه يا دوب حسيت بالإبرة أما غير هيك ما في شي وكل شي كان براسي من الدكتور اللي دحت له وأنا طفلة وسبب لي عقده ما اله وجود ... المهم انه بفترة كتير قصيرة كنت عاملة علاج لكل المشاكل وعملت تجميل لأسناني الأمامية (فنيير) بصراحه شكلي تغير تماما ثقتي بنفسي ما بتنوصف ، وكل هذا بفضل رب العالمين ثم بفضل الدكتور سامي ابدير ، بالصراحه هالدكتور أكثر من رائع شغله وايد ممتاز وايده خفيفه وأنا قررت أكتب الموضوع لعدة أسباب منها :

• انه لازم كل عروس تنتبه على أسناني واذا كان عندها مشكلة بالفم ما لازم تسكت عنها لانه هالشي كتير مهم ، حتى تبييض الأسنان أقل شي ممكن ينعمل قبل العرس.
• تاني سبب هو اني اشجع كتير ناس عندها متلي مفهوم غلط عن أطباء الأسنان وعن كيفية العلاج.
• تالت سبب وهو الأهم اني أعبر عن شكري للدكتور لانه ما قصر معي وبذل كل جهده .

وأنا راح احط لكم صور عن شكل أسناني قبل وبعد .