إفرحوا مادة الSLS غير مسرطنة لكن في سرر خطير لازم تعرفوه

بسم الله الرحمن الرحيم

نقلا عن عضوة صيدلانية في أحد المنتديات سأضع بين أيديكم ما كتبته هنا ...

في البداية هذا البحث ليس دعوة مني لاستخدام الشامبوهات التي تحتوي على المواد التي ساذكرها
ولكنه للعلم وتصحيح المفاهيم فقط لا غير
وسنعرف من خلال البحث
ان ما خفي كان اعظم
وان هناك ما لا نعرفه عن كل ما نستخدمه في حياتنا اليومية
مادة SLS غير مسرطنة
ده مش كلامي ده كلام علمي اصدرته
Cosmetic, Toiletry, and Fragrance Association
اللي هي مسئولة عن مواد التجميل والعطور
وايضا American cancer society
مسئولة عن ابحاث الامراض السرطانية
طبعا بعد ابحاث مش توقعات
وده طبعا بعد انتشار الاشاعات اللي ملت الانترنت
وتتناقلها المنتديات العربيه والاجنبيه
ومقالات تكتب هنا وهناك
جرائد ومواقع وكل ما يمكن ان يصل الينا
بصراحه ليكم حق تقتنعوا
لكن لازم نقف وقفه بسيطة جدا ونفكر
ازاي؟؟
ازاي هتكون المواد ده مسرطنه ومسموح بيها
بالمنطق كده ليه؟؟
لا وايه مكتوبة من ضمن المكونات عادي
طيب ابسط شيء مش هيكتبوها
او بعد الاشاعات ده هيغيروها او مش هيستخدموها ولا ايه؟؟
مش صعبه يعني ولا مستحيله
طبعا مش مصدقين
للاسف هي ده الحقيقه
اشاعه وانتشرت بدون اي ادلة
ايميلات وSMS
وFACEBOOK
للاسف التطور بيضرنا احيانا
طبعا انا من اول يوم سمعت فيه المعلومة ده
مقتنعتش تماما بحكم اني صيدلانيه
وعارفه يعني ايه الموافقة على منتج
من منتجات التجميل
زيه زي الادوية بالظبط
ولا عمري فكرت ابعد عن الماده ده
وكنت مقتنعه تماما انها اشاعه
من غير ما ابحث
مجرد بالمنطق كده
وقلت حتى لومسرطنة اكيد بردو النسب اللي في الشامبو مسموح بيها
لغاية من كام يوم لقيت كلام تاني في الموضوع ده
قلت لا
لازم اجيب اخر القصة ده
وبحثت جديا
وعرفت الحقيقه وقررت اقدمهالكم من باب نشر العلم
نتكلم بئه كلام علمي
اولا قيل لا تستخدموا مادة sls
sodium lauryl sulfate
لانها تستخدم في تنظيف الجراجات
طيب وايه المشكلة هي مادة منظفه detergent
وايضا surfactant يعني بتساعد على ازالة الزيوت والدهون والقاذورات بطريقه علمية معروفة وهي تقليل التوتر السطحي للزيت وبالتالي يختلط بالماء وينزل معاه
وده حقيقه لاي مادة منظفة مش هينفع تكون غير كده
لكن الاختلاف في النسب
لو استخدمنا النسبه زي تنظيف الجراج كان اول حاجه هيجيلنا حساسية والتهابات تمام كده
في مواد كتير بنستحدمها في حياتنا للتجميل وايضا للتنظيف القاسي جدا في البيت
زي : الليمون بنلمع بيه النحاس
زي: بيكربونات الصوديوم بردو وفي نفس الوقت بيكربونات الصوديوم لها استخدامات تجميليه عديده سواء مباشرة او في مستحضرات التجميل لكن النسبة والطريقة تختلف تمام كده!!
طيب الكلام خلاص اكيد حاليا لغاية النهارده 10/4/2010
ان مادة sls غير مسرطنة تماما
طيب في مادة تانيه دايما بيتكتبوا ورا بعض هي ايه؟؟
sodium laureth sulfate
اختصارها SLES
ده ايه حكايتها؟؟
اقولكم
مادة SLS غير مسرطنة تماما اطلاقا نهائيا لكن مشكلتها انها molecular wight بتاعها اللي هو تقريباالوزن الجزيئي صغير فبالتالي سهل شوية تمتصها البشرة
وطبعا ممكن تعمل حساسية ومشاكل تهيج للبشرة irritation والعين
لذلك لا نجدها في شامبوهات الاطفال خالص علشان متسببش تهيج للعين ودموع
يعني معقوله لا دموع لكن هنديكم امراض سرطانيه ازاي بس؟؟
فين الرقابه؟؟
اكيد في رقابه طبعا ده ماركات معروفة
المهم استبدلوا SLS بمادة SLES
ليه ؟؟
لا SLES
الوزن الجزيئي كبير ومش هتمتصه البشرة وكمان الحساسية وتهيج العين بيكون اقل مع SLES
وهنا ظهرت المشكلة
علشان نحول SLSالى SLES
ده عمليه كيميائية اسمها ethoxylation
SLS + Ethylene oxid =====> SLES + 1.4 DIOXANE (as
a cntamenint )
contamenintيعني خارج من التفاعل غير مرغوب فيه يلوث
طيب SLES بردو الحمد لله مش مسرطنة لكن المشكله في DIOXANE 1.4
ده مسرطن بشهادة نفس الهيئات وبعمل ابحاث على الفئران والخنازير بوضعه ليهم في مياه الشرب مش بغسل جسمهم بالشامبو
عارفين ليه لان دايما الابحاث لازم تكون على اعتبار اسوا الحالات
وكمان لان المادة ده DIOXANE بتخرج مع مخلفات المصانع بصفه عامة اللي بتعمل Ethoxylation لاي من المواد الخام العمليه ده مش في الشامبوهات بس لا في صناعات كتير وبتلوث مياه الشرب والمياه الجوفيه
علشان بس تعرفوا ازاي مش سهل ان هيئة تقول ده غير مسرطن الاسهل تقول مسرطن وتكون في SAFE
SIDE
وطبعا هو ده سر الاشاعه ما هو مفيش دخان من غير نار
المادة المسرطنة الخفيه المقصودة Dioxane فعلا مادة مسرطنة (لو زادت عن النسبة المحدده من منظمة الصحة والغذاء الاميريكيه وكل المنظمات اللي ذكرتها في اول الموضوع)
بالتجارب على الحيوانات وده حاجه معروفه جدا من عام 1978
على فكرة مش موجوده بس في الشامبو لا معجون الاسنان والشاور جيل والبابل باث والمنظفات المنزليه
وكريمات ومستحضرات تجميل

لا نستطيع حصرها
ولكنها ليست من المكونات الاساسيه هي تنتج فقط من بعض التفاعلات اللازمة في تصنيع مواد التجميل او النظفات المنزليه والمرطبات وغيره وغيره
يعني تعتبر ملوثة
وهناك طريقه من طرق التحليل لمعرفة نسبة وجودها في المنتج النهائي
وعند التحليل اذا وجد ان النسبة زادت عن الحد المسموح به تم رفض المنتج او ارغام الشركة على كتابة انه يحتوي على هذه المادة وكتابة انه مسرطنة ايضا
لكن طبعا في نسبة محدده لوجود هذه المادة الملوثة
ويجب الا يتخطاها اي منتج
وبالفعل نجحت الشركات في تقليلها والصول للنسب المسموح بها
وفي شركات بالفعل قللت المادة الملوثة جدا وهي طبعا شركات مشهورة مش هينفع تهرب من الرقابه ابدا
وما زالت الابحاث مستمرة للوصول لافضل المنتجات
وطبعا من الناحية المنطقيه ان كل منتج بينزل الاسواق بيخضع للرقابه اللي بتعمل التحاليل اللازمة وتحدد اذا كان صالح او لا
وطبعا الموضوع ده ينطبق على مستحضرات كتيرة في حياتنا اليومية كل حاجه من اكل وشرب ودواء
كلها تحتوي على مواد سامة وممكن تكون المواد اساسية كمان ولكنها تكون سامة لو زادت نسبتها عن النسب المقررة
وفي الاول والاخر بنستعمل كل الحاجات ده اللي المفروض انها امنه لانها تخضع للرقابة سواء مصرية او مستورده كله سواء
وهو نفس المبدا اللي بنتناول بيه الادوية والاكل والشرب
اتمنى اكون قدرت اوصلكم المعلومات لاني تعبت جدا في تجميعها والبحث عنها وقلت افيدكم معايا
واخيرا الله اعلم بكل شيء وارحم بعباده
وبردو اي حد قلقان من اي منتجات ميستعملهاش استفت قلبك ولو افتوك وده اللي انا عملته وبعمله دايما او ابحث بنفسي في مصادر موثوق فيها

واسمحولي في النهاية اوريكم مثال لمقاله من المنتشرة بين المنتديات

المقاله نفسها اقروا اولها : تقوم وزارة البلديات الاقليمية وموارد المياه
يعني مش وزارة الصحه ولا هيئة الرقابه الدوائية ولا اي هيئة ليها علاقه بمستحضرات التجميل اصلا
لان فعلا وجود المادة ده بيضر المياه لانها بتنزل مع مخلفات المصانع
يا ريت نكون اخدنا بالنا من طريقة كلام الجرايد ده والعناوين الجاذبة للانتباه

وفي النهاية اتمنى اكون افدتكم
البحث ده مجهود شخصي جدا جدا
ودراسة عميقه جدا
وغير منقول تماما تماما
وتعبت فيه جدا جدا جدا
وكتبته من باب عدم كتمان العلم
واتمنى انكم تقولوا رايكم بصراحه في الاستفتاء
علشان رايكم يهمني

طبعا الكلام هذا على ناقلته من عضوة الله يجزيها خير على مجهودها والله يكتبلها الأجر لأني نسخته لتعم الفائدة