إللي طالعه لثاني ثانوي علمي آو آدبي تدخل آقسم بالله مهم لكم من واقع تجربتي

السلام عليكم ورحمه الله وبركاته ..
آولاً مبروك على النجاح وثاني وثالث مايبغى لها لعب أبداً..
نصيحه من قلب يحبكم ويتمنى لكم الخير :الله الله بدراستكِ ترى ثاني مو مثل آولى آبداً..
ومافيها مراعاه للدرجات لكن الوضع تراكمي..ودرجه موزونه ..
سواء للأدبي آو العلمي..
شدوا حيلكم من بداية السنه الأهمال والله ثم والله ماينفعكم آبداً..
الغياب بلاش منه لكن الدروس اللي ماتفهمينها راح تتراكم عليكِ..
ممكن كلامي مايعجبكم :لكن ماأقول هالشئ إلاّ من تجربه آنا آولى ثانوي كنت مهمله على الأخير و24ساعه
على الجهاز وماأقوم إلا وقت النوم والكتب ماأتذكرها وأحل الواجبات إلا الصبح ..
الفصل الأول جبت الأولى على الفصل لآنه سهل ..
آمآ الفصل الثاني زاد إهمالي مره مره مره وأنا ماشاء الله أحب المواد وآغلبها مريحه نوعاً ما ..
فجبت الثانيه وحده من البنات سبقتني ..
آما ثاني ثانوي قعدت على وضعي وماشديت حيلي وآجيب في الإختبارات 7و6 وعلى الفكره ترى هالدرجات
آبداً أبداً ماتنفع بثاني بالكثير 9 أو 10
المهم الفصل الآولى جبت نسبه واطيه مره تقريباً84 وهالنسبه آبداً لاتفكرين تجيبينها بثاني لانها ماتنفع ..
المهم الفصل الثاني قلت آبشد حيلي وآذاكر طبعاً أنا علمي وربي ذاكرت وشديت حيلي والليل ماأنام
لكن مازدت إلاّ شئ بسيط والسبب نسبه الفصل الأول لآن التراكمي يخسف مره ..
فثالث يبغى لي بالكثير أجيب 99أو 100 عشان آكون بالتسعينات بالدرجه الموزونه !!!!!!!!!!!!!!!!..
والسبب ثاني يابنات وربي آنصحكم شدوا حيلكم وخلوا الأهمال ترى فيه قدرات وتراكمي آضمني درجات
المدرسه عشان تجيبين درجات متوسطه في القدرات ..
والله إني أتذكر كلام الإستاذه تقول لنا :وربي ماتحسون بالصدمه إلاّ إذا طلعوا ثالث ..
وربي إنها صادقه ماحسيت بأني مهمله إلاّ وأنا معاي الشهاده ..
فالله الله يابنات ثاني علمي آو آدبي بالدرجات الحلوه آنا ماأخوفكم لكن عشان تجهزون آنفسكم من الآن..
لاتقولون عادي التراكمي وربي إنه دآأإأآأإهيه ..خلي درجاتك 9و10 وبس 8لالالالالا ماتنفع آبداً..
وإذا منتي فاهمه شئ قولي للإستاذه بنفس الحصه لاتقولون آستحي ترى مافي إنسان يُولد عالم !..
لانك راح تبتلشين آخر السنه ..النت آتركوه لانه هو إللي راح يضحك عليك بالأخير ..
وإذا مره ماتقدرين حددي لك وقت نص ساعه أو ساعه ولا يزيد عنه ..
شغله ثانيه :كل درس ذاكريه بيومه عشان آخر السنه ماتتعبين ..
وآخر شئ ربي يووفقكم ويسعدكم ..
وإن شاء الله تبشروني آخر سنه1432بالدرجات الززينه
قلبي أصيل