إلي مصابات في بالخمول في الغده الدرقيه دخول

السلام عليكم ورحمة الله وبركاته
صباح ومساء الخير عليكم جميعا
كيفكم بنات
اول بدخل وبقولكم سالفتي
فتاة أنسه عمري 22 عاما عاطله
الله يسعدكم صار لي من اسبوع تقريبا وانا كله بس نووم وألم في المفاصل
أكل ما أكل زين -المهم أهلي حسوا اني مو طبيعيه وانا بعد حسيت فيني بلى
المهم بحثت في النت واكثرهم قالوا سوي تحليل يمكن يكون فيج فقر دم او خمول في الغده الدرقيه
او يمكن يكون نفسي واتخيل
المهم قلت لا خلني اصبر يمكن مافيني شي فترة وتعدي
المهم بعد يوم تقريبا وانا ابي انام الساعة تقريبا بعد الفجر ابي انام ماقدرت
الحراره ارتفعت وصداع من أوقف يضرب في راسي عرق
وكنت ودي ادق على ابوي واقوله ودني المستشفى بس قلت مابي اشغلة بالصباح وهو عنده عمل
أجلتها العصر وسبحان الله ساعة تقريبا وانا واختي قاعدين الصباح الا دخل علينا ابوي
قالنا وش رايكم ندشر انا فاضي الحين قلت لا وانت الصادق نروح المستشفى
رحت وسويت تحالليل والدكتورة ماخلت سؤال ما سألتني
من متى بدى معاج
وتحسين بألم بمفاصلك
ووش اخبار الحبوب معج قلت لها خصوصا هالسنة الحبوب البيضاء قامت تطلع لي بشكل كبير
يعني مو طبيعي لو وحدة ثنتين بالشهر كنت بقول حبوب دوره وتروح لكن لا مو كذا منتشره وتطلع في
أذني بعد وكنت أظن انه حبوب شباب لكن
طلع كله من الغده
والشعور بالبرد بعد منهاا
المهم قالت لي الطبيعي يكون مستوى الغده 4,2 انتي غدتج (10
بس هي طمنتني وقالت لي كثير يصابون في المرض وابوي سألها اذا خطير وقالت لا عادي مع العلاج تتحسن بس قالت لي انو بتلاحظين زيادة في الوزن وتساقط الشعر الله لايقوله ان شاء الله
المهم عطتني علاج وتوني اليوم بديت اتعاطاه
اليوم بعد ابوي بيروح يشوف نتايج التحالليل الثانيه لان الدكتورة شاكة ان فيني روماتيزم
توني صاحية من النوم وودي انام بس احس تنفس مااقدر صعوبه بالتنفس وكنه قلبي مايدق
ورعشة بأيدي سبحان الله
أدعوا لي بنات الله يشفيني ويشفى جميع بنات المسلمين أجمعين
(اللهم إشفني أنت الشافي لاشفاء الا شفاؤك شفاء لايقادر سقما ) اللهم أمين
لاحول ولاقوة الا بالله ولا ملجأ ولا منجأ منك إلا إليك
لا إله إلا أنت سبحانك إني كنت من الظالمين