ابا تساعدوني يا بنات

السلام عليكم والرحمه
بالنسبه للعبي التقليد ... رااح تحصلين ب عيمان مجابل جمعية ام المؤمنين ... على ما اعتقد اسم البنايه (بناية الشيخ حميد)
وشي موديلات حلوه بمركز بوهيل بدبي .. انتي كاسري معاهم ... لوو قالت الشيله على 100 .. انتي قوولي على 40 او 50 واصري على رايج ...
ام وبالنسبه للأندوير ... انا اشتري من لاسنزا ومن دبنهامز .. وشي محل بمركز البستان بدبي ما اذكر اسمه ... بس وراه محل اقمشه واسمهم واحد .. انا شفت عنده قمصان نووم حلوه ... وبعد شي قمصان حلوه بدبنهامز ولاسنزا ...
وبالنسبه للخياييط مخور ... عندج بدبي بسووق الذهب ... بالسكه اللي تجابل باسكن رووبنز ...
وشي بالعين بس ما اعرف وين ...
ومحلات جلابيات .. والله مدري وين ام .. انا لين الحين مو محصله محل يبيع جلابيات شرات الاوادم .. كل ايي وسيع مرره .. واسعاره غاليه ولو غسلته بالغساله اخترب علي ... انا انطر القريه العالميه واخذ من القريه السووريه ..
بس لوو تقصدين جلاليب نووم انجليزيه .. فبتحصلين بمحل بجمعية الامارات بالطوار ...
واذا تبين ادلج على مكان انا بالخدمه ..
واتمنى اكوون افدتج

بااك
بالنسبه للمخور وباسعار معقووله .. عندج بالشارجه بالسووق الجديم او مركز ساره ...
وشي بعد مكان ثاني ... يسوون مخاوير ارخص من مركز ساره .. هوو انج تكملين سيده شارع البحر وما تدشين لفه مركز ساره .. وعقب ما ترووحين سيده اول دوار تروحين يمين وعقب اول لفه عاليمين .. بتلاقين خياييط انواع واشكال