ابغى اتزوج

رونق الفراشة

01-10-2022 - 02:34 pm

بليز بنات ادعولي ابغى اتزوج نفسيتي صارت زفت الحمدلله
ولااعتراض على قضاء الله
بس انا اموري متعقدة ومحتاجة دعوتكم
اهلي من القبايل المتحجرين
البنت عندهم ياتاخذ ولد عمها ياتعنس
عماتي 3 منهم ماتوا من غير زواج
ذبلووا قدامهم ولااحد فكر فيهم ((الله يرحمهم))
تعبانة اخاف يصيرلي اللي صار لعماتي الله يرحمهم
ابووي معقد وامي اشد منه
لانها موبنت عمه ((مو من نفس القبيلة))
ومطلقة وتخاف من ابوي وعماني خوف العمى
تقدمولي كثير واهلي رفضوهم بحجة انهم مو حمولة ولا من نفس قبيلتنا
صرت كارها اهلي واتمنى اني مو بنتهم
خواتي اتزوجوا من نفس قبيلتنا بس وش استفادوا وحدة مطلقة
والتانية حياتها عذاب
بنات بليز ابغى منكم دعوة بظهر غيب
ان الله يرزقني الزوج الصالح اللي يكيد الاعادي ويبدل حزني فرح
انا وخواتي وبنات المسلمين عاجلا غير آجل
ولكم بالمثل

التعليقات (9)

زهوورالمدينة

01-10-2022 - 05:43 pm

الله يفرج همك ويرزقك بالزوج الصالح عاجلاً غير آجلاً يارب ..

ام فادية

01-10-2022 - 06:44 pm

هلا حبيبتي
والله حزنت عليش اصبري ان شاء الله ربي يرزقش بالزوج الصالح اللي يسعدش في حياتش ولاتفكرين في هالموضوع كثير وتتعبي نفسيتش الله يكون في عونش ياالله الناس بطلوا هالحركات من زمان
اهم شي الدين والاخلاق الله يسامح اهلش على التعقيد الله مال امه داعي فديتش هوني على نفسش اللي كاتبه ربي بيصير غصب او رضا لاتتكدرين والله حاسة فيش أسأل الله ان يزوجش في القريب العاجل واخواتش وجميع بنات المسلمين
ان شاء الله تفرحينا قريب بزواجش
آآآآآآآآآآآآآمين

رونق الفراشة

01-10-2022 - 07:45 pm

زهور المدينة ,, ام فادية
الله يسعدكم وينولكم اللي تتمنون وجعل السعادة ماتفارقكم قولوا امين
مروركم فرحني ودعوتكم مانساها يالغوالي

pure-angel

01-10-2022 - 08:46 pm

الله يرزقك
الله يرزقك
الله يرزقك
الله يرزقك ويقر عينك ويريح بالك ويجبر خاطرك
الله يفتح بوجهك ابواب رحمته ورزقه
ويرزقك الزوج الصالح يكون لك عون وسند يارب
ويجمعك به في الدنيا على الخير والصلاح
ويجمعك به في الاخره في جنات النعيم يا ارب
وانتي حبيبتي لا تقنطين من رحمة الله
وادعي ربك الرحمن الرحيم في سجودك بهذا الدعاء
(( اللهم ارزقني زوجا تقيا نقيا طاهرا مخمول القلب))
و مخمول القلب يعني قلبة رقيق مثل قماش المخمل
الله يرزقك ويحنن قلب اهلك يارب

رونق الفراشة

01-10-2022 - 09:47 pm

pure-angel
اختي
الله يسعدك ويثلج صدرك زيي مافرحتيني ودعيتي لي بذي الدعوة الحلوة
والله العظيم اني دمعت من زود الفرح
الله يحقق لك الاماني
ولايحرمنا من فضله
(اهم شي لاتنسيني من الدعاء في ظهر غيب)
عساك ع القوة دوم

نون نت

01-10-2022 - 10:48 pm

الله يفرج همك ويرزقك بالزوج الصالح عاجلاً غير آجلاً يارب
يااعسوولة خلي ثقتك بالله كبيرة وحسن الظن في تدبيره ..
والله ييسر اموورك ويرزقك الزوج الطيب اللي يراعي قدرك ويحطك بعيونه ..وادعي لي كماان ربي يرزقني بالزوج الصالح ^_^
ولاتنسي عزيزتي كماان تدعي ربي وفوضي امرك له ..،،
ووباذن الله مابعد الشدة الا الفرج ،،
ودمتي بحفظ الله وطاعته .

~همس الدلع~

01-10-2022 - 11:49 pm

الله يفرج همك ويرزقك بالزوج الصالح عاجلاً غير آجلاً يارب
العالمين ماراح ننساكي من دعاء ربك كريم يارب تفرج عليكي وعلينا

رونق الفراشة

02-10-2022 - 12:50 am

نون نت //همس الدلع
الله يقضي حوائجكم ويسهل اموركم
ويزوجني ويزوجكم ويفرح قليبي وقلوبكم
عسى الفرح دوم وياكم
فديتكم يالغوالي

الدنيادواره

02-10-2022 - 01:51 am

يارب يرزقك يا اختي بزوج صالح عاجل ويفرح قلبك ويخلي دنيتك كلها هنا

استفسار مهم←
دعوة للتفاؤل وش اسماء اطفال المسقبلظ→