ابغى اهدي زوجي ومحتارة ساعدوني

انتي كوني هديته
يعني سويله يوم ماينساه بحياته
يعني ضبطيله البيت او سوي حفله برا البيت واعزميه وبعدها وسعي صدرره
خ مدري كيف اشرح
ولازم عاد تجيبين معاك اي هديه لو بسيطه ولو مكرره للذكرى فقط
وصدقيني اللي يبقى بالفكر لعدة الايام مو الهديه اللا اللي صار بينك وبينه من كلام ووعوود صادقه
مدري والله شي وجا ببالي وماحبيت اطلع بدون رد

شوفي ياقلبوا أنا رحت مع أخوي حلويات سعد الدين وحجزت كيكة ووديت صورة زوجي بيوم زواجنا وشريت آخر جوال نزل السوق وكنت حاجزة في مطعم حلوو تفاجأ وسألني متى سويت هالأشياء قلت له ماعليك الموهم صارت اللي تقدري عليه سويه حتى أذا مافي أحراج أحجزوا سويت بحدا الفنادق الراقية أو شاليه كلاسيك وشوفي

مشكوره حرم النقيب تسلميلي ع الرد
هلا احزان الشوق تسلميلي ياعمري انا ناويه اسوي مثلك واخليها له مفاجأه

نفس حالتك باقي لي كم اسبوع واكمل سنه
ومحتاره ايش اهديه ..
ياليت البنات يفيدونا بافكار هدايا ..

أنا مثلك باقي شهر على ذكرى زواجنا وأنا في الرياض وودي أسويها مفاجاءه لزوجي لكن ماعندي أحد بالرياض يعني لازم هو اللي يوديني والمشكله الأكبر إني حامل وصاير مالي خلق على هالحركات لكن مستحيل افوت هاليوم ساعدوني

اهلين رنين الشوق وsindyan
ان شاء الله البنات يفيدونا ....... وينكم ياناس احد يجي يفيدنا

انا كنت محتاره زيك ..
بس قبل يومين شريت له دبله روعه من داماس لان دبلته موعاجبته
دبل داماس فضه اصليه وحلوه ب 350 ريال ..
وشريت له ربع توله عوده من العربيه للعود ((معتق كمبودي )) ب150 ريال
وباقي كم يوم يارب تجي ذكرى زواجنا على خير من دون ما انفضح ههه
عرف اني شريت له هديه والا ويخليني اقول اش اشتريت ..
بالتوفيق ياقلبي والله يهنيكم

حتى انا محتارة ودي اجهز بالبيت الحفلة واغير المفرش واغير اجواء الغرفة احمر باحمر واحط ناموسية حمراء على السرير وافكار كثيرة

بقولكم فكره ماادري تعجبكم ولا لا
بس زوجي مره اعجبته
اخذت صور زوجي الي بالجوال وعطيتها مصوره
وعملتها على صور ودخلت صور ببعض وعملت خلفيات
مره رايقه طلعت الصور حلوه
وبعدين حطيتهم بالبوم حلو وغلفت الالبوم
واهديته له مره انبسط بالهديه
وكل مره اشوفه فاتح الالبوم ويتفرج على الصور
انا تعجبني الهدايا الي تبقى مع الوقت
مثل لو تهدينه عطر بيخلص
شوفي شي يبقى معاه ويحتفظ فيه
جربيها وعلى ضامنتي متاكده انها تعجب زوجك
والحين باقي اسبوع على ذكرى زواجي الثاني
ومالقيت هديه تبقى <<<تدور شي مايخلص
اتمنى اكون افدتك