ابغى رايكم يابنات ضروري

1. السلام عليكم ورحمة الله وبركاته

السلام عليكم ورحمة الله وبركاته

كيفكم بااحلى فراشات انا مالقيت احسن من هذا المنتدى الرائع اطرح موضوعي فيه لاني عارفة انكم ماراح تخيبوني وبتنصحوني
القضيه وما فيها انا لي عشر سنوات ساكنه مع اهل زوجي والحمد لله العلاقه بيننا ممتازة لكن المشكله اني ساكنه في جناح يعني غرفتين وحمام الله يعزكم ومطبخ تحضيري وعندي ثلاثه اطفال ولد وبنتين واحس المكان صغير علينا ولدي الكبير يدرس وللحين ينام هو وخواته معي في الغرفه لان الغرفه الثانيه للتلفزيون ولجلستنا يعني ضيق علينا وتناقشنا انا وزوجي في الخروج في شقه اجار طبعا اهله ماعندهم مانع لو بنطلع بس حنا خايفين نطلع ونتوهق بالاجار والمصاريف لانا تقريبا ما نحط شي بالبيت ناكل معهم والكهرب عمي هو اللي شايله يعني الراتب لنا والله اني في حيره راتب زوجي الصافي له بعد القرض تقريبا6000ريال هل نقدر بهذا الراتب البسيط نفتح لنا بيت مستقل ياليت البنات يشاركوني في هذا الامر
انا اقول لزوجي كل الناس في اجار معقوله مافيه احد زينا اكيد ناس زي راتبك وعايشين
شيروا علي يابنات هل اضل مع اهل زوجي لا اجار ولامصاريف واتحمل الضيق ولا اطلع واوسع على نفسي وعيالي ونتحمل الضغوط
ارجوكم لا تهملو موضوعي واللي ماعندها حل الله يجزاها خير ترفع الموضوع لاني في حاجة لاسمع تجاربكم