ابغي اكتب رسالة لزوجي ساعدوني حبيباتي

ابحثي قي قوقل وراح تلقي اللي تبيه وزياده

اناانصحك انك ماتكتبين له شي لانه رايح الحج لازم يكون خاشع وخاضع بين يدي الرحمن خليه يشتاق للرجوع بلهفه خليه يأدي المناسك بروحانيه_هذا رأيي ياأختي بارك الله فيك

أكتب حروفي
أعجزتني التعابير و الوصوفِ
أحبك يا أغلى إنسان
لا تحسبني متبلّد المشاعر
إحساسي بداخلي ،، إحساس ألف شاعر
لكن لا شفت طرفك الفتّان
سكتّ .. و أذهلني جمالك الساحر
أعذرني إن كان في طبعي الخجل
و أعذرني إن حسّيت في مشاعري بُخل
يا كثر العِبَر في هالزمان
خليتني من الحب دوم في شُوق و وَجَل!
أبيك بس يا حياتي لا تظلمني
آه لو تدري عن الشوق اللي فيني
بشوفتك .. إحساس غريب يجتاح الكيان
تبيني أقولك كلمة أحبك
تبيني أقولها و يحس فيها قلبك
عجز عن البوح اللسان
و القلب يهتف .. والله أحبك و أبي قُربك
يا أجمل هدية أهدانيها القدَر
يا اللي معك بس يحلى السَمَر
مالِك عليّ حلفان
لو قلت إنك في حياتي شمسها و القُمَر
إقرا يا حلو هالقصيد
إقرا .. لجل تعرف إني لغيرك ما أريد
بأقولها لك يا عمري بالفم المليان
أحبك
أحبك
و أحبك
هذا هو الشي الأكيد
اتمنى افدتك
يرد لك بالسلامة

أنا أبحاول أكتب لج لكن لما تطلع منج أنتي تكون أحلى
زوجج ومشاعرك،،
ليست النائحة الثكلى كالنائحة المستأجرة مع فرق الموقفين،،
وأنا أقول أكتبي له رساله مطوله حب وغرام واشتياق ورسائل ثانية صغيرونه تبعثرينها بين ملابسه كل ما فتش يبي دهداشه لقه رساله منج كل ما بغى شي إلا تطلع له رساله من زوجته مصغره مكتوب فيها مثلاً (كيفك قلبي الغالي).... (لك وحشه ياروحي)...

لالالالالالالالالالا
انتي اكتبيها باسلوبك
ببساطة تعبيرك
بكلماتك الحلوة اللي تعودها منك
ابدا لا احد يكتبها لك
ابدئيها بحمد الله وشكره ان الله من عليه بها الفرصه للحج
ذكريه بالله وحثيه على الدعاء
تذكري في الرساله بعض من احلى ايامك معاه
تذكري امنياته وامنياتك
عبري عن فرحك ان الله تم عليه بنعمه الحج
وعبري عن حزنك لفرقاه وانك رح تكوني على احر من الجمر للقياه
وذكريه يدعولك باشياء حلوه وحطي له مثلا دعوه طريفه
مثلا ان الله يعيفني بالشوكلاته من غير شر او اني اعقل واصير رززه
ويكون شيئ طريف يعني لما يقراه تنرسم البسمه على شفاهه
وفي الاخير اختميها بدعوه حلووة
وذكريه بالاولاد والاهل وانه يكلمك ويسمعك صوته اولا باول
الله يحفظكم لبعض

والله كلام أم وليد في الصميم والله لا يحرمها الأجر كلامها درر وشامل والله يعطيها العافيه لو أنا مكانك خذيت بنصيحت أم وليد دون تردد