ابموت من الصياح ماعاد اتحمل كلن يلومني تكفوون عطوني حلى بسرعه

يابنات تكفوون داخله على الله ثم عليكم لاتخلوني انا سويت حركه لاهلي بدون ماادري وكلهم حاطين اللوم علي يقولوون انتي السبب والله اني ابموت من القهر تكفون لاتخلوني عطوني حل السالفه ومافيها اخواني بتزوجوون وهذا اول عرس لنا يعني كلن متحمس والناس مختبين وهو عقب زواج اخوي الكبير قبل 10 سنوات يعني ابي فزعتكم انا من طفاقتي حجزت الطقاقه وكلمتها واتفقت معها على كل شي وهي طقاقه معروفه عبير التركي اكيد تعرفونه البنت ذوق ومحترمه بس الواحد من الفرحه مايعرف يتفاهم اتفقت معها انها تطلع لزوااجنا وقالت اوكي وارسلت لها العربوون ومادريت الا اليوم تدق تقول والله ماادري وش اقول انا مااقدر اطلع لزوااجكم انا انجلطت لو عندي احد كان هليت الدمعه قلت ليش وشلون انا متفقه معك قالت ايه والله لو بيدي لاجيك ب10000 قلت ليش انتي طالعه لزواجنا ب12000 قالت انا ماادريت على بالي زواجكم بالنماص يعني قريب من جده وقلتلك ب12000 والبنت قعدت تتعذر وماقصرت وهي مايحتااج الكل يعرفهاا وانا الغبيه مااعرف اهرج علمتها وين الزواج وهي على بالها النمااص وتقول مانطلع ب12000 نطلع ب17000 قلت لا مستحيل تكفين مايمدينا الزواج اهلي الناس العرس بتفشليني انتي تعذرت وقالت لازم تزيدين الفلوس وبصرااحه قلت اوكي يعطيك العاافيه هاذي اسعااركم اكيد مارااح ازعل واللحين قاعدين بدون طقااقه بسبابي انا اللي وهقت اهلي واللحين جااء دوركم والله ثم والله اني متامله فيكم خير وراح تفزعون لي ابي منكم طقاقه روعه يعني صوت وطق ابيها ترقص اللي مايرقص مثل عبيرالتركي لانها روعه ماتبطل غنى عشان كذا ابي وحده فنانه معها عدتها من ايقااعات واورق ورجال معها يغني بس يكون سعرها مو غاالي حدوود العشره ابي تبضوون وجهي عند امي وعند اخوي لانهم مايهرجوني يقولون وهقتينا العرس قريب وهم متحمسين لها الزواج وفشله بعد عند الناس بعد مانتشر خبر عبيرالتركي انها بتجي لزواجنا اللحين بيهرجوون وتعرفون انتم الحريم يعني ابي وحده كلمت خوقاق عليه قليله بس ماتكون غاليه وحده انتم مجربينها وموثوق فيها لان ماعندنا وقت نفكر ناخذ هاذي ولا ناخذ هاذي انا معتمده وواثقه من ذوقكم انا ادري اني مااشبع من الهرج بس والله من الضيم اللي فيني يالله انا رااح اسهر واحتريكم لاتخيبوني