اة من الغلبة وقهر الرجال

كيفكم حلوين
حابة احكي لكم شوية من حياتي وانتو احكمو
انا مزوجه والحمدالله ربي رزقني بطفل يبرد قلبي
لكن المشكلة زوجي بس يخبي علية امور كثيرة عن اهلة اوقات يسافروا مدري
يعني اسالة متي يقلي مدري وانا متاكدة انو عارف بس مايقلي غير انو خلاص سافروا
وغير اشياء تافة مرة ادري مالي فيهم بس مايسير ما اسالة عاد تعرفوا الرجال انتو
غير انو دوبي خلصت اربعين بس ماطهرت
تخيلوا قلي ما ترجعي الين ما تتطهري مدري صح هو ولا غلط بجد ضايقني كثير بهذا الموضوع
يعني بجد انا جايتلو متصلحة وكل شي كاني عروس وهو لاشي ولا اهتم ولا حاجة
غير انو يوم شافني قلي اشبك انجنيتي مسوية هذا كلة وعارفة اني ما اقدر امسكك
وكذا حتي انو يوم جيت البيت والله ولا عبرني يادوب حط الاغراض من الباب
ورحت افسخ عبايتي لقيتة خرج ولا رجع الا ع 12الليل وطبعا دوبي راجعة البيت ومافي اغراض
المهم دق علية وقلي كيف العشا وكذا قلتلة جيب بيزا بس برضو ماتعشي معايا يوم سالتة قال مالي نفس
وتاني يوم يقول لاختة امس الشاي ما كان مزبوط بالله يعني تعشي لانو زوجي لازم شاي ع العشا
وتخيلو كمان حتي عزيمتي تبع الولادة وكذا سوها وانا في النفاس عند اهلة وكانت عزيمة يعني
ودق علية يقلي تعالي ترا مسوية العقيقة انا مرة زعلت وبجد ضاق صدري لية مسوية وانا لسة ما خلصت اربعين ويوم قلتلة طيب خليها الين ما اخلص يقلي تعالي احضريها احنا عند ا النفاس ما تخرج الين تخلص اربعين ولا قلي انا ماعزمت احد فيها وبعدين اختة تقلي فيها وفيها بالله اش رايكم؟؟
وقلي اذا رجعت نسويلك عزيمة طبعا انا من تزوجت ماعمرهم اهل زوجي سويلي عزيمة وحدة
انا كنت في الشرقية وجيت عندهم اهلي سولي عزيمة لاني عروس وعمي المهم احتفلو بجداوهم ولا شي بس جات حرمة اخوة التاني سوا لها عزيمة وهاتك ماشالله بجد حسيت اني زعلت مرة وحرمة اخوهم متزوجة قبلي من كم سنة وعندة ولدها ما شالله بس جات من بلدة تانية وكذا
انا ما ابغي اقارن بس لية التفرقة هذا وبجد انا ما ااخذ منهم الا الكلام وبس قالولي حنسويلك سابع بعدما تخلصي اربعين وكذا بس انا مااهتميت فية بس لية يقوليلي بنسوي وحنسوي ولا اشوف شي
وحرمة اخوة من غير كلام يصير لها كل شي بجد اوقات ازعل كثير لية التفرقة دي
ولو اني الحمدالله اهلي ماقصرو كل شي سوتوا لية امي عزيمة وسابع والحمدالله بس اهلي غير واهل زوجي غير
مدري هو من زوجي اللي احسة مو مقتنع فية والله مدري ساعات اقلة انت بس تبغاني للجنس وبس
كلة الرجال كذا بس يعني ا يوم ابرجع بعد الاربعين قلي خلصي بس انا رجعتلو وانا ما خلصت بس والله قهرني مرة مر ة يوم راح وخلاني وانا متصلحة وع آخر شياكة فستان وحنة ومكياج و
ولا عبر بكلمة وحدة والله يوم شافني قال اشبك انجنيتي والله يوم راح بس ابكي وكل ما اذكر اجلس ابكي بالله هذا رد؟؟ واللي قهرني اكثراني كل شي مسويتة عشانة قصة وحنة و وقهرني حتي هدية الولادة ما جاب ولا الحمدالله عا سلامة قمتي من الابعين طيبة ولاشي يعني ابوة يدق علية تاني ومي ويتحمدلي وهو ولاشي بس ما اقول غيرربي يعوضني خير في طفلي
والله اني مضايقة وحبت افضفض لكم واشوف رايكم لاني لو قلت لاهلي راح يحقدو علية وحسمع كلام يضيق صدري منة بس مدري لية كذا يتصرف معايا مع اني والله ابعاملة بطيبة وحتي هو لكن تصرفاتة شوي وكلامة
اللي يوجع ساعات
لكن ما اقول غير الله يعيننا ع الرجال ادري طولت وكثر كلام بس بجد حبيت ارتاح من الضيقة اللي فيني
ادري شوي مافي ترتيب وتعبير بس والله من الضيقة