اتمنى دخول الفراشات ومساعدتي

السلام عليكم ...مادري وش اكتب وابد فية انا متضايقة مرة مارتحت بحياتي مرة كم مرة بكتب ومادري اتردد لكن ماتحملت قلت اكتب المساعدة من الفراشات زوجي كلمة عصبي قليلة لو في فوقها شي قلتها عصبي بلحيل تعبت من كثر ماادارية تعبت مااقدر اتحملة يتزعل على كل شي مثل الاطفال مايفهم الكلام الي يدور بينا حتى السواليف يقلبها علي ويفهمها مقصد ثاني والله اتفاجئعصبيتة مالها حدود والي يزيد الطين بلة اني ساكنة عند اهلة من تزوجت وانا ماتغير شي بحالي الحين انا امشي بسبع سنوات من عام 1425متزوجة مادري وش اسوي مابقى كلمة من تزوجت الى وقالة فيني وغير نشر العيوب والاشياء الي تدور بينا والمشاكل واي شي عند اهلة وامة احترت واصير عند اهلي وارجع بلا رضاوة وراحت الحياة وانا يامرة عند اهلي او عندة مليت اتمنى الاستقرار اتمنى الزوج الي يفهمني الي يخاف احد يتكلم فيني يراضيني يفهم مشاعري الى متى اذا عصب خلاص اه المشكلة ان تفكيرة غلط دايم مايتغير صرت اقولة ليتني ماوفقت عليك يوم خطبتني وصرت اقول ليتني مصدقة الناس الي قالو عصبي تحسفت تخيلوا بنات صرت اقولة من قلبي اتمنى يفهمني بنقاشبينا بتفاهم مو بصراخ واتطنيش والكلام الجارح الي يطعن الوحدة ابي احس بمكانتي عندة ابي الكلام الزين والمدح والكلام الطيب اه اه اه مايفرق وجودي بالبيت او لا مع العلم عندي طفلين اه ولايهمة اذا عصب يحط الحرة بولدة الكبير عمرة اربع اه هل يعقل كل الاساليب جيت مايفيد ولا غير كذا امة لازم يدخل امة بكل شي اه يقول الله يخلي امي لي هي الي تسويلي كل شي يعني وجودي مثل عدمة مايفرق لان عايش مع اهلة متعود يمكن لو كنت بييت يمكن يحس بوجودي وغيابي انا والاطفال اه يارب تفرج لي ولكل المهمومين والله لو استمر اكتب استمريت تخيلوا ضحيت بدراستي ومستقبلي عشان الاطفال وهو رافض وبهذلني بكل شي رفض يجيب خادمة تمسك الاطفال ادرس جامعة وهي يمكن الي بتفيدني عشان مايضمن الواحد الزوج اه اه هدمت مستقبلي العلمي بيت حرية استقلال رافض اه يارب كل شي مرفوض يليت اسلوبة ومعاملتة كويسة كان غطى عن الاشياء الي مو متوفرة لي لاكن من كل الجهات وش اسوي ادري شي مكتوب علي بس اتمنى السعادة وابعد عن الاحزان هو جبروت كبرياء مايهمة حتى اذا صرت عند اهلي من الضغوط النفسية تخيلو ا يقول ماني صارف على العيال اذا انتي بيت اهلك اذا انا عندة اي شي يزعل علية كل شي يقعد مايكلمني كان مالي وجود بس منظر وشلون اقعد عند اهلي افضل مليت ماعاد يهمني تغيرت كنت طول حياتي معاة والله اقعد الى اخر الليل وانا اراضي فية حتى لو غلطان علي عشان كذا عودتة لاكان الحين تغيرت ماصرت اسوي كذا وش فادني فية غير الكلام الشين والتجريح وكلام فيني قليلة حيا ماتستحي غير مؤدبة ومن ها الكلام كثير اقول الي اذكرة شي ماتتصورونة اه اه كثير ودايم افكر الانفصال بس الاطفال يقول ماراح اصرف عليهم بنات وش اسوي وامة تقول لادخلوني انا وبناتي مالنا شغل لو اجلس عند اهلي شهولر ماتدق تسال عن الاطفال ليش ماعمر شافوا مني شي ابد بالعكس كاف عافة اه يارب يقول انتي مغرورة كل كلام شين يقولة فيني تعبت من كثر مااحكي باسلوب باوقات متفرقة وحلوة تعبت كل شي يحطلة مشكلة كل كلمة اقولها اي شي اي شي والله حسرة بقلبي ينكد علي يفهمني غلط تعبت قلت لة رح احظر محاظرات تفيدك وتفهم لاكن مافي فايدة طولت والله باقي كثير كلام كثير وش اقول وش اخلي ؟................................................. ............................بنات ادعولي وابي اقتراحاتكم وحلولكم ساعدوني مليت وامنى الي عندها مقاات في فنون اتعامل مع المراة تحطها لي واي شي يبين مكانة المراءة وهي الاساس بالحيات والابنلا هم الاهل الدائمين او احاديث او محاظرات او كلام ارسلة لة مفيد اكتبة لة برسالة جوال او ايميل تكفون يمكن بها الشي يفيد او اي شي ثاني تكفون لاتبخلون علي يمكن تكون سبب بتغيير ها الزوج علي المشكلة هو الاطفال الي بينا اه اه والله احس الهموم تكبر الوحدة وتجعد الوجة صرت اكبر من عمري اه تكفون تفاعل حتى النوم مارتاح فية اتمنى الحياة السعيدة والله مامنى الكثير بس الحياة بالتفاهم ومكانة الزوجة فهمتوني ..............