احلى فستان زفاف او شبكه

http://alfrasha.com/up/410118829466298175.
بسم الله الرحمن الرحيم
فيه حاجه مهمه قوى انا ملاحظاها يا بنات
بالنسبه لموضوع فساتين الشبكه و الزفاف و السواريه عامه
ليه البنت بتختار الفستان مكشوف وانها تكون مش محجبه فى اليوم ده او تشيل حجابها كمان لو كانت محجبه قبل كده
طب ليه ؟؟؟؟؟؟؟؟!!!!!!!!!!!!!!!!!!!!!!!
يعنى اليوم ده هوه اللى هيفرق طيب فى ايه ؟؟؟؟؟
ويقولوا اصل دى ليله العمر و ما جاتش على يوم ...وبعدها بترجع تلانى تتحجب افهمها بقى ازاى ؟؟؟؟؟
المحجبه تكون محجبه على طول مش مقطع
لأن اللى تشيل حجابها فى يوم شبكتها او فرحها و تتحجب بعده يبقى كأنها بتتحجب من اول و جديد وعمرها ما كانت محجبه قبل كده
ده حتى كمان الموضوع بقى اسهل دلوقتى عن زمان لأن فيه اتيليهات كتير بتقفل الفستان و بيكون شيك برده جدا
ده عندنا فى مصر لأن معظم الأفراح بتكون مختلطه بس مش عارفه فى الدول العربيه ايه؟؟؟؟
وانا فرحى بعد شويه صغننيين قوى ادعولى و هكون محجبه أن شاء الله و هبقى انزلكم الصور و انتوا احكموا بقى
بس عامه سواء الشكل حلو قوى او حلو نص نص هوه المبدأ واحد اكون محجبه او لا اكون ....... و طبعا عن اقتناع
يعنى انا فى الشبكه كنت محجبه و لاقيت معارضه كبيره قوى فى ذلك لأن جرت العاده أن العروسه تكون مش محجبه
بس انا صممت على كده و بابا شجعنى و خطيبى كمان وافق على رأيى
عامه انا حبيت اقول نصيحه لكل العرايس المقدمين على الفرح علشان ربنا يباركلهم فى حياتهم بعد كده أن شاء الله .
فاطمه