اخبي الشعر عن عينه اخاف انه يجي ويقراه

أخبي الشعر عن عينه أخاف إنه يجي ويقراه
أخاف أكدّر احساسه بحزن يكسي احساسي
دفنت الحزن في قبر الضلوع اللي بكت فرقاه
وأجرّ الآآآآآآآآآه بحروف بكت في صدر كراسي
دموع الشعر حرمان المعاني همهمات وآآآآآآآآآآآآه
جمر هجر ودموع فراق في حبري وقرطاسي
أنا بعت الخلايق كلها لاْجل رضاه
لإنه كان لي ربعي وأهلي وديرتي وناسي
أحبه والله الشاهد وهذا البعد ماأقواه
أكابر وأتظاهر بالصبر لين إنكسر باسي
أنا من لي بعد عينه ؟ أنا ماأبغى سوى دنياه
أبيه بسيف وصله يطعن همومي وهوجاسي
بكى في داخلي طفل يحبه بالوفا رباه
أنا وهذا الطفل عقبه يتامى واليتم قاسي
نسى قلب (ن) جعلته في خنصره خلاه
نسى حبي نسى قربي نسى اللهفه بأنفاسي
نسى ذيك العيون اللي تموت بطلعة محياه
نسى دافي عتابي والغرام الشامخ الراسي
يقول القلب لاتنساه وأقول وشلون بس أنساه
أنا وشلون أبنسى من غرامه تاج لراسي
هذاك اللي تفز الرووح ولهانه على طرياه
هذاك اللي بغيابه عن عيوني أبعد إنعاسي
ياليته يرجع ويرحم خفوق ذاب من فرقاه
ياليته يرجع لقلبي ويحي موت احساسي
مما راق لي