اخت زوجي مصيبه

يسعد مساكم/صباحكم..
بنات في سالفه تضايقني من فتره لفتره..اخت زوجي تنام عندنا بحكم سفر زوجها الكثير
وماعندها عيال,بس مو هذي مشكلتي عادي بيت اخوها وهي تحبني اكثر وحده من حريم
اخوانها وتقوله دايم لزوجي..
بتكلم شوي عن نفسي بدون مبالغه(انا الحمدلله حلوه وطيبه وقلبي طيب ومااعرف اكره ابد وكشخه افهم بالموضه
والميك اب ومتفتحه ابوي مخليناعلى راحتنا نسافر بكثره مع اهلي احيانا ويك اند الحمدلله ابوي ربي مبارك بحلاله
ومايرفض لنا طلب مدلعنا على الاخر)طبعا انا مااتفاخر صحيح الكل يقول عندي شوفه نفس والي يقول متكبره
وهي اساس الحمدلله ثقه بنفسي يعني أي شي انا راضيه عنه اسويه واتحمل نتايجه واحب اخذ اراء بس اصمل بالنهايه
علي ذوقي..
زوجي الحمدلله طيب واخته طيبه واحبها هم شوي متحفظين زوجي تعود على هبالي وحركاتي وانا توني ب20
المهم والزبده..اخت زوجي دكتاتوريه بقوه بعد..انا اكره هالطبع حيل خصوص علي انا مثقفه وفاهم وماتمشي علي
أي كلمه بس اعديها وش اسوي..دايم تسب الناس عندي وانا مااحب هالشي حتى حريم اخوانها تسبهم عندي
حمواتها حتى يمكن تسبني طبعا هي عندها عقده نفسيه اتوقع انها تحتاج طبيب نفسي,كانوا البنات لمن كانت صغيره يعقدونها ويكرهونها بحياتها وهذي انعكست سلبي على حياتها وصارت شرسه مافيه انوثه ومافيه اسلوب ابدا وصريحه
الحين اجي اتكلم عن زوجي تقول لي لا اخوي اعرفه مايحب كذا ولا يسوي كذا..
بجيب لكم سالفه(مره سويت ملوخيه طبعا هي ماتضبط معي تصير كانها سبانخ ههه)الزبده جاء زوجي وعجبته
جت بعده قالت اخوي مايحبها كذا قلت لها من تو شافها عجبته بعد كم يوم سوتها وطلعت كانها ايدام وهي تتفلسف علي
تجلس تعقب على الصاله حقتي وتقول هذا شيليه مو حلو غريبه منك ومدري وشو طبعا انا اسوي نفسي مو سامعتها
تهايط وتقول مااشتري الا ماركات وبالاخير تشتري من رتاغ وسيتي ماكس وذوقها مش ولا بد انا اختار لها تقول رسميه
وتقول شريت وشريت واذا نزلت تنفضح قدامي بس انا مااحب احرج احد حتى لو كذاب..عدينا هذي زوجي يرجع من
الدوام تسبقني تساله واشلون الدوام؟ وش سويت؟ او لمن اساله تجاوب بدله يمكن تقولون غيره بس هي يوميا كذا
واي شي اسال زوجي تجاوب وتتفلسف وتدخل بكل صغيره وكبيره..الحين اسال زوجي عن خويه لاننا نتقابل
بحريمه تجلس تسال مين هو وتعددهم كلهم يعني شوفوني فاهمه واعرف..
انا من طبعي البس قصير وبناطيل عادي ماافكر وش نوع اللبس اهم شي يكون ذوق ويناسبني صارت تلبس ميد
وقصي مع انها محافظه جدا وصارت تلبس نقاب وتفتحه حتى حماتي صارت تقلدني انا ماادري وش سالفه
كاني شريكتهم وانا والله من حالي ببالي واذا سالوني ساعدتهم.. وتدق بالكلام كمان
اليوم تقول انا شريت عبايه كتف من زمان ب120 وغاليه مالبستها ضحكت وقلت لها انا مفصله عبايتي ب600 عادي
قالت لبستها مع زوجك وحطيت حجاب كويتي ماعجبت زوجك قال ماتنزلين من السياره قلت شوفيني البسها ماعنده
مشكله قالت توك لبستيها بعدي..
ههه المشكله هي متزوجه بعدي بس تحاول تساوي نفسها فيني باي طريقه بنات ولا تعبتني صحيح
انا مااهتم بكلام الناس بس هذي بوجهي صرت اكره اجلس معها ماتعرف تسولف ياتحش او تهايط صح ماتقصر
تساعدني بس كمان مهمله تحوس الكنبه ماترتبها تسوي شاهي تترك الليبتون بالحنفيه ماتغسل صحنها بعده
لمن تاخذه بنفسها ماتربيت على كذا يجيني خفقان لمن اشوف هالمنظر
احب كل شي مرتب ونظيف وهي ماعندها مشكله تمون بس كلش مو عاجبتني السالفه
الى متى اضل مستمعه جيده واتعب نفسي صار يجيني ارق لمن تنام عندنا والله زهقت قلت لزوجي قال تغارين
تخيلوا تسب اختي الي ب6 ابتدائي تقول متكبره اختي حلوه مره وحاجزها ولد خالي من لمن كانت باول ابتدائي وكبرت
وصارت طولي اتقول ماتسلم وماعندها صديقات ومدري شنو هي شوف وين راحت عند البزره بليز لا تخلوني
مره متضايقه ومااحب اضايق احد وانا محبوبه بين الكل ولعيون زوجي تظل اخته ومتحملتها بس ساعدوني
بحل لقافتها ودكتاتوريتها وفلسفتها..