اختراعي اليديد لمعة المسك للجسم روعه اللوشن الصابونه مسك x مسك

1. اوكي


2. نبدا شنو نحتاج :

قبل جم يوم دزتلي عضوه رساله خاصه تسألني فيها عن لمعه الجسم وشنو استخدم من كريمات وجذي
انا رديت عليها وقلتلها شتسوي
والحين بقولكم انتو شتسوون طبعا انا اغلب الاشياء اللي اسويها home made احب اسوي شغلي بيديني
واشوف النتايج الحلوه وايي اقولكم
راح نسوي مثل هاللمعه وتكون مثل السبراي
واللوشن
والصابونه

اوكي

نبدا شنو نحتاج :

• مكعبات المسك من القرشي كلكم تعرفونهم طبعا 5 مكعبات
• بيبي اويل انا افضل هالماركه لانه مافيها عطر كلش مو نفس جونسون حتى الوردي في ريحه
• لوشن جليسوليد هم هذا مافيه ريحه او شبه مافيه
• صابونة ديتول الورديه
• لمعه هذي اللمعه اسمها فروزين وايت من ماك
• 2 علبة فاضيه وحده تكون بخاخ والثانيه عاديه ولو يكونون زجاج احسن

نبدا الحين شنسوي اول شي بالبودي سبراي :
1/ تييبين علبه فاضيه بخاخ تحطين فيها البيبي اويل اكثر من النص بشوي
2/ تبشرين المكعبات بعدين تاخذين 4 قفشات كبار وتذوبينه عالجوله راح يصير سائل
3/ تصبيته على البيبي اويل وسيدا وبسرعه وتخضينه خض عدل مدل لما تحسين تجانس
4/ تضيفين اللمعه بالكميه اللي انتي تبينها وتخضين عدل مدل ولو تسوين حمام مائي دافي عشان يتجانسون اكثر
وجربيها على الصدر روعه والريحه تين رشي وبلمسات خفيفه وزعيه
نيي حق اللوشن :
1/ تييبين علبه فاضيه تحطين فيها البيبي اويل اقل من النص بشوي *
2/ تذوبين قفشتين كبار من المسك وتصبينهم على الاويل وتخضين عدل
3/ تضيفين عليهم اللوشن لما تنترس العلبه وتضيفين اللمعه وتخضين عدل او اذا ماتبين لمعه عادي
لان اللوشن ماراح يختلط مع المسك راح يتكتل عشان جذي نذوبه مع الاويل اول
دور الصابونه :
1/ تبشرين الصابونه طبعا انا ماخذه الحجم الكبير فا بشرت نصها لان وايد كلها
2/ اللي بقى من المسك المبشور تذوبينه بعدين تضيفين الصابونه المبشوره وتخلطين عدل
3/ تزهبين القالب اللي بتحطينها فيه ويكون مقصدر عشان بسهوله تطلعينها
4/ تصبينها بالقالب وتحطينها بالثلاجه لين تتيمد
ريحتها اتين حتى ريلي قام يستعملها وتصبغ فيج الريحه ما تروح وتفوح بعد
وتقدروون تسوون جذي بدون المسك بس الاويل واللمعه وتقدرين
تضيفين عليهم كريم اساس عشان اللون الحلوو واذا تبين ضيفي عطر عادي
اللي عاليمين بس اويل ولمعه واليسار اويل ولمعه وكريم اساس
حطيتهم بمال لديودرنت الرول اسهل
واهني جربتهم على ايدي
بدون فلاش
مع فلاش
ترا روعه لا تطوفكم جربوها
ان شاءالله تكون الفكره اعجبتكم وسلامتكم
منقول