اختي تخون زوجها

1. انا بقولكم السالفه

السلام عليكم
انا بدخل بالموضوع على طول بدون مقدمات
لاني مره مستعجله وبنفس الوقت خايفه
بنات انا من جد مره ضايقه فيني الوسيعه تاكتشفت اختي تخون زوجها وغير كذا هي عندها 3اولاد
يعني غير انها متزوجه ام >>مادري كيف بتربي عيالها وهي كذا صحيح اختي بس من حر مافيني على فكره عمرها 22

انا بقولكم السالفه

هي لها 6سنوات متزوجه وقبل 5سنوات كشفتها انها تكلم اول شي اللي خلاني اشك ان جوالها وهي لسى عروس عالصامت وغير كذا اذا دق ماترد عندنا تروح تندس في غرفه ثانيه خلاني اشك واجلس اراقبها اراقبها ومره قلت ابغى جوالك ابكلم لان جوالي مفصول ورحت بالغرفه وافتح جوالها الاالقى ارقام كثيره باسم رموز وحفظتها بجوالي ورحت دقيت عليهم من جوال اخوي وطلعو هالرموز اسماء شباب بصراحه من قهري رحت على طول علمت ابوي وعطيته الارقام راح ابوي مسكها وواجهها انكرت بالبدايه انها ماتعرفهم وفتح ابوي جوالها وطابقهم على الارقام اللي معها وضربها ضرب واعترفت انها تكلم 4 وبغى يذبحها ابوي وامي تفكه يعني صارت هوشه كبيره وقالها ابوي انا متبري منك ليوم الدين ودق على زوجها ياخذها وقالها انها تكلم صديقات وسخات >>ماحب ابوي يقول شباب
واخذ ابوي جوالها منها
تخيلو بعد 3ايام ابوي دق عليها واعتذر على اللي سواه فيها وجلس ينصحها وزي كذا واعطاها جوال جديد ورقم مميز وحذرها لان هي حتى صديقاتها وصخات هم اللي جرها على هالطريق
وقلنا خلاص ماراح تعيدها وزي كذا ووثقنا فيها والحين امس اخذ جوالها لاني بديت اشك فيها والقى ضايفه بالبي بي 3شباب وغير اسماء رموز بجوالها ودقيت على 3طلعو شباب
ماودي اقول ابوي اخاف تجيه صدمه قويه واذا راح ابوي ماراح تنفعها هي
ماادري ايش اسوي
ابدا ماتتوب هالبنت وغير كذا مراوغه تجيبك من هنا وتطلعك من هنا
وربي زوجها مومقصر معها بشي ومادري زوجها مايلاحظ 24ساعه جوالها صامت
نصايح ماتجي تهديد ماتجي
ماادري ايش اسوي تكفون ابغى احد يوجههني ايش الحل الامثل معها