اخيرا فستان الفرح

بسم الله الرحمن الرحيم اخيرا جبت الفستان يا بنات
وهقولكم التفاصيل برده
الأول سألت فى القاهره فى كذا محل فى الزمالك و المهندسين بس طبعا الأسعار نار
و دورت بعد كده فى المنصوره لأنى عارفه الأماكن فيها كلها و جبت من هناك و حجزته بس بقفله من الصدر و الأكمام علشان هكون محجبه أن شاء الله
و فيه محلات حلوه فيه العروسه فى شارع بور سعيد
وكمان سنتر لمسات فيه فساتين حلوه بس لسه بتتشطب لأن هوه اللى بينفذها
و كمان فيه العروسه فى مول فى شارع الثوره و فيه فساتين حلوه
وفيه اورجانزا و الجوجرى دول فى المشايه بس مش عجبنى الاذواق عندهم
و فيه لوموند سواريهات فى ميدان ام كلثوم
واللى انا جبت منه هوه سوليتير فى شارع الثوره و عنده تشكيله كبيره من فساتين الزفاف و فيه امكانيه انه يقفل الفستان لو الواحده عايزه انه مش يكون مفتوح قوى
وكمان اتفقت معاه انه يعملى الحجاب من نفس نوع التطريز و الاكسسوار اللى فى الفستان
ويا رب عقبال كل البنات
اه كمان فيه الأحذيه السواريه علشان الفرح او الخطوبه طبعها
فيه اول المحلات طبعا ابو طوق سواء اللى فى السكه الجديده او اللى فى شارع البحر وفيه محل شيك وعلى المشايه فيه محلات كتير و توكيلات كتير عالميه للاحذيه
وانا جبتها بيضاء و عليه زخرفه فضى علشان تمشى مع الفستان و أن شاء الله بعد الفرح انزلكم صور الفستان
بس دعواتكم ليا ربنا يتمملى بخير
فاطمه