ادعولي وفهموني وش سبب تصرفه و وين راح

1. بعدين اخذ اجازه بشوال من العمل ورجعنا للرياض كنت بالشهر السابع


2. جلست اسبوعين بعدها


3. لانه من ضمن المسجات كاتب بتنازل عنك وطلاقك قرب اعوذبالله

صباح الخير على الجميع
السلام عليكم ورحمة الله وبركاته
انا وزوجي من الرياض وعملة في منطقه اخرى )جينا للرياض من المنطقه الاخرى لانه كان عنده دوره سنه بالرياض وانبسطنا لاننا صرنا حوالين اهالينا وحملت بحملي الثاني ولله الحمد والشكر على نعمه
وانتهت دورته بشهر سبعه وداوم بشهر ثمانيه بالمنطقه الاخرى وطلبت منه يروح ويدور لنا على شقه مفروشه لاننا سلمنا الشقه السابقه لما قبل في دورته في الرياض ولما حصل شقه رحت له انا وابني وكنت
حامل بالشهر السادس وماخليت عليه قاصر اطبخ واقدم له من انواع الاكل ومدلعته ولاشاف مني الا كل خير

بعدين اخذ اجازه بشوال من العمل ورجعنا للرياض كنت بالشهر السابع

ثم رجع في ذي القعده لعمله وانا مارحت تقديرا له ولظروفه واهو قال ماراح اخليك تروحين وانتي ثقيله وبهذلت هالشقق المفروشه لك انتي وولدك لان كان ودي يجمع من راتبه كم مبلغ لان لو رحنا معاه زادت مصاريف الايجار وغيره من المصاريف
المهم رجع بنهاية ذو الققعده للرياض واخذها اجازه مع اجازة الحج وراح يوم الجمعه 15ذي الحجه مع بداية الدوامات وودعناه وكان شايل هم ولادتي وكان وده اولد ببداية الحج وهو موجود وكان مراعيني كثير (ذكرت هذي التفاصيل لتعيشوا ظروف اللخبطه اللي صايره لزوجي ولي لانه جدا شايل هم اللخبطه وعدم الاستقرار ويدور على نقل وشايل هم الموضوع جدا كان بيموت عالاستقرار)
المهم زوجي حساس جدا من النوع اللي يشيل هم الدنيا على راسه ويبي الدنيا تمشي على كيفه
بعد اربع ايام من روحته انا ولدت ولله الحمد والشكر قبل ولادتي بيوم دخل زوجي دورة مع العمل
وكان يكرهها جدا لانها تقام في البر ويعملون تدريبات وسكن في غرفة عزاب وكان العمل منبههم لو دخلوا هذي الدوره مايطلبون اجازه مهما كان ولايقبل اي عذر لخروجه منها مهما كانت الظروف المهم انا ولدت اليوم التالي هو هنا انضغط نفسيا بدرجه ماتتخيلونها وحاسه بهالشي من كلامه وتصرفاته بس كنت احاول اكون معه بكل شي ولا اضغط عليه بشي مهما كان فيني تقديرا لظروفه
كان يقول ابي اشوف اللي جبتي حتى كان يقول انا اعرف انك مثل اي بنت تبين زوجك يكون معك في الولاده ويكون يزورك بالنفاس وانتي انحرمتي من هالاشياء كنت اقول لا عادي مو مشكله وكان كل يوم يسال عن عياله وكنت اتكلم عنهم مره من المرات وقال لي لما اسالك عنهم قولي طيبين وخلاص لاتتكلمين عنهم او اي شي انا موناقص اللي فيني يكفيني وكان تقريبا كل مكالمه يقولي هالكلمه

جلست اسبوعين بعدها

طلب مني اخلي ولده الكبيريكلمه لما اخذ السماعه ولدي عمره 3سنوات قال لابوه كلمة وسخه مدري من وين سامعها
المهم ابوه عصب وتكلم ليش يقول مثل هالكلام مين سامع وكلام كثير وانا مارديت عليه بكلام ولاعليت صوتي تقديرا لضغوطه النفسيه بعدين بنهاية المكالمه قال اذا انتي مو قادره تربينه وبيتعلم الفاظ وسخه بخلي عمه يجي ياخذه من عند بيت اهلك انا هنا انقهرت قلت خلاص خل يجي ولدك وانت حر فيه قال يلا مع السلامه بكره يجي ياخذه وقفل الخط
الفجر ارسل رساله اعتذار يبين فيها انو الولد مفروض مايتلفظ بهذه الالفاظ وانك ام وماراح تستغنين عن ولدك ويوصيني عليه وباخر المسج يقول انا تعبت ومو ناقص واللي فيني مكفيني بصراحه انا هنا اخذتني العزه بالاثم ومارديت عليه ولاقلت ماعليش ولاشي سفهته
جاء بالليل تقريبا 12بالليل وهنا النقطه المهمه (كان عندي رقم سواء قديم شاريته علشان كان عندي مشروع صغينون وهو على علم بهالشي وبعدين ضاع مني الرقم وانقطع وسحبته الاتصالات )
دق على الرقم حصله يدق وقام ارسل لي مسجات استغفرالله واتوب اليه فيها شتم وسب واني بنت مو مظبوطه وانك مستغفلتني وتكلمين بالرقم الثاني ومفعله خدمة البلاك بيري بهذاك الرقم واذا جيتي عندي
دخلتي شريحتك الاولى وانك وسخه وقليلة ادب ومن هالحكي واشياء كثيره كلها في اربع او خمس مسجات وانا ارسلت له وشفيك حبيبي لاني مافهمت السالفه وبعدين ارسلت انا انا انا احبك
علشان كذا مقدره ضغوط عملك وتبقى انت (كلام حلو طبعا)مهما تنازلت عني او ماتنازلت

لانه من ضمن المسجات كاتب بتنازل عنك وطلاقك قرب اعوذبالله

بعدها دخلت دورة المياه الله يكرمكم ودق على جوالي اربع مكالمات وعل بيت اهلي ومارد احد لانه كان بالليل وطلعت من الحمام وحصلت مكالماته ورديت علطول وهزاء فيني لما قلت بس المهم فهمت السالفه انه داق على الرقم هذاك وعلمته انه ضايع واكيد سحبته الاتصالات وحلفني اني ماعرف عنه شي وحلفت وبينت اني واثقه من نفسي ومن هالكلام واقتنع بعدين لما خلص حكي قال بتنومين فهمت انه يبي يكلمني قلت ايه بنوم قال طيب مع السلامه وسكرت
ونمت لما جاء الظهر توني صاحيه من النوم ونفاس جابتلي امي فطور ودق علي مارديت المهم ارسل رساله قال دقيت حبيت اعتذر على كل حال انا اسف
ارسلت بعدها تقريبا بساعه انا ماكنت بالغرفه اسفه استغفرالله انا كان جوالي معي بس كنت منقهره من كلامه اللي بالليل
المهم بعد الرساله حقته دقيت الساعه ثمان بالليل تقريبا مارد علي توقعت انه نايم دقيت من بكرى مارد دقيت بعده ولاعاد يرد علي نهائيا ارسلت مسج قلت كاان ودي اكون بجنبك في ظروفك ومازلت لكن عدم ردك على اتصالاتي عرفت انك ماتبغاني 00لكن قلبي معك دائما الله يحفظك من كل مكروه ولارد
الجمعه ارسلت له رساله قلت جمعه مباركه نفسي احكي معك اتمنى ترد اذا ممكن ولا رد ارسلت مسج يجنن عصر الجمعه ولارد بعده خليته الجمعه بالليل والسبت والاحد والاثنين لما جاء اليوم الفجر بكلمه وهو رايح لدوامه حصلت جواله مقفل وارسلت مسج حلو كتب فيه انا حافظتك بغيابك وصنتك لماذا استحق منك هذا الجزاء
صراحه صار جسمي يرتعش صرت ابكي منهاره وين راح وش ناوي عليه تعبت والله بكيت ودعيت ربي
مدري وش يفكر فيه اخاف انه باعني وطفش من هالدنيا
لانه من النوع اللي يتحمل وفاض الكيل من ظغوطه وعدم استقراره وانه بكلامه صاير مشتت هو واسرته
ملاحظه انا صايره مع زوجي مؤدبه جدا واداريه بعد مشاكل كثيره حصلت بيننا بس من النوع هو اللي يتذكر الماضي ولاينسى احسه حقود لانه من ظمن رسايل التهزيء في ذيك الليله ذكرني بالماضي وتعاملي معه ومع اهله
خفت والله بس انا تغيرت كثير وهو عارف هالشي لانه في الاونه الاخيره بعد ماتغيرت صار يرحمني كثير لانه عرف اني تنازلت عن اشياء كثير علشان تستقر حياتنا
بس انا الحين خايفه كثير مدري وينه عيالي قطعوا قلبي
مدري وش يفكر فيه
اسفه عالاطاله بس فسرولي ايش تصرفه تعبت كثير لاني وقفت معه في اشياء كثيره ماذكرتها اداريه بكل شي ويغلط علي في اشياء كثيره ولا ارد عليه
بس مدري وين راح
ادعولي ربي يرده لي ولعياله ردا جميلا