ادعي عليهم بس احبهم

1. اش الحل

السلام عليكم ورحمة الله وبركاته
كيفكم بنات ؟؟
والله اني اكتب لكم ودموعي مو راضيه توقف اذا اخطات استرو ما واجهتم
انا متزوجه وبكمل سنه الحين والحمد لله اموري كويسه وزوجي طيب وحنون بس العيب فيني انا
كنت احب واحد قبله وعلى اساس ان راح نتزواج وهالشي معروف من يوم انا صغيره وكل العالم تدري واهلي كمان
ولكن ما ادري ليه اختي واخوي الاكبر مني ما يحبوه وحاولو يكرهوني فيه بس مو بيدي قلبي يحبه وكنت اتعلق فيه في كل ثانيه
كان ةاعدني بس يتخرج ويتوظف ان نتزوج وكنت انا ادرس ومجتهده في دراستي عشان بس نخلص نتزوج بس اخوي واختي حاولو يفرقون بيننا لين صار الشي اللي يبونه
انا انهرت وتعبت وامي ابوي ماكانو يدرو ان هذا السبب وكنت مابي اقولهم عشان ما تحصل مشاكل مع اخواني
فالاخير الود ابتعد عني اعتقد اني ما احبه على العلم ان اخته هي المرسال بيني وبينه يعلم الله اني ما كلمته ولا كلامني بالعكس كانت علاقتنا عن طريق اخته الكبيره اللي كانت مره طيبه معانا وحاسه فينا
طبعا اخوي هددني لو ارجع اتواصل معها انو ليزعل مني هو واختي لانهم عارفين غلاتهم عندي وانا ما بيدي حيله
كنت طول ايامي ابكي لدرجه يا بنات وربي نسيت النوم والضحكه كانو امي وابوي يجون عندي يبكو يقولو يابنتي اشبك قوليلنا وكنت اسكت ولا اتكلم
وربي يا بنات جلست ع هالحال 4 سنين وتركت دراستي والناس وصاحباتي
وواخواني ما همهم ولا شي فالاخر تقدملي صاحب اخوي هو مو صاحبه مره بس اخوي قال هذا الحل اللي بينسيني طبعا وكان اكبر غلط
انا وافقت ولكن مو منقلبي ابوي كان حاسس اني ما ابي بس كنت اقوله لا عادي انا موافقه بس ما يزعل اخوي
وربي يا بنات ان لما صارت النظره كان اللي حاط بيني وبينه حجاب وما شفته ولا شفت وجهه والولد كان يسالني يسولف بس انا جلست ابكي
وبعدها طلعت ورفضت الولد ماقدرت اتحمل احس كاني جلست مع شيطان
وابوي رد ع الولد وقاله مافي نصيب وانا انبسطت وقلت انحلت ولكن كانت منتضرتني مصيبه اكبر تقدملي ولد عمي وهو مره ومره يحبني
ابوي وامي مره فرحو ولكن انا .................
جلست ثلاث شهور افكر ايوه او لا وابوي خلاني ع راحتي واخر شي دق علي اللي كنت احبه وقالي اذا هالشي بيرضي والدينك وافقي ولا تزعليهم واحنا ربي بيعوضننا
وافقت عشانه وتزوجت تخيلو الوحده خلال فترت خطوبتها الى يوم زواجها وزفتها تكون مبسوطه الا انا كانت الدمعه ما تفارقني
مر شهور ع زواجنا وانا مو راضيه اتخيل الوضع زوجي مره كان يراعيني وكان متوقع اني ابكي عشان اهلي وانا ابكي عشاني ظلمته وظلمت قلبه الطيب
احيانا ابي اقوله الصدق بس مابي ازعله لانه مره طيب وحنون واحيان ودي اقوله وارتاح واريححه معي
الحين باقيلي شهر واكمل سنه وانا ع هالحال وما احد حاسس فيني وزوجي مره تعب معاي ويقولي تش رايك نفكر فالحمل متوقع ان هالشي بغير نفسيتي بنات انا مره مقهوره من نفسي وكارهتها لاني مو قادره انسى و مو قادره اعطي زوجي اللي يبي
اش اسوي قلبي مره مره يعورني وربي ماانام الا وانا ابكي وربي احس زوجي بيكرهني ومو بيدي حتى فالجنس مو قادره اعطيه وامو البيت مو قادره اسويها له

اش الحل

ارجوكم ساعدوني احيانا ودي ادعي ع اخوي واختي ان ربي يعيشهم زي عيشتي واحيانا اقول لا احبهم ومقدر ادعي عليهم
وربي يا بنات احياتا افكر اخذ سكين وادخلها فقلبي واحيانا افكر اهرب من البيت واختفي بس زوجي طيب اش ذنبه اني اعذبه معي يعني انا اقول لو جلست في بيت اهلي معذبه نفسي مو مشكله بس زوجي تزوج يبي ينبسط ويحس بزواجه
بنات احبه احبه ومو قادره ان ساه
الله لا يذوق اي وحده بالي جالسه اذوقه
بنات ادعولي ان ربي يصبرني لين اخذ امانتي