اذا تبون تعرفون تجربتي مع المنشطات و الاناناس بحملي

مرحبا يا احلى فراشات
بغيت اخبركم بتجربتي لعل و عسى تنفع معكم
انا يا طويلات العمر بديت بعد زواجي بسنه بالتنشيط لكن بدون اي فايده صحيح انه تطلع بويضات كويسه ما شاء الله
بس ما فيه نتيجه تركت العلاج لفتره و قررت ارجع للدكتوره قررت لي الشهر الجاي اشعه الصبغه سويتها و هات يا الم و الله صرخت هذاك الصراخ لدرجة سالت زوجي قلت سمعت صراخي وانت برى؟؟
شي فضيع لا تقولون الم دوره او مدري وشو انا شكله كان فيني التصاقات ,, لانه بنات كثير يسوونها و يقوللون الم خفيف
المهم قالت الدكتوره هالشهر كله ما فيه جماع ,,
وانا كنت اقرى في النت عن الاناناس و فايدته لتنشيط الرحم و المبايض قلت بشرب منه و اكل اناناس طبيعي
المهم جت الدوره و بديت بالتنشيط مع ابر اول مره استخدمها و شربت الاناناس الى اليوم 14 ,,
بعد اسبوع من الشفاحه سويت تحليل دم و طلعت النتيجه سالب ,, يعني لا تفكرون تحللون الا بوقت الدوره
و بموعد الدوره كنت نايمه عند اهلي متزاعله مع ابو الشباب
صحيت من النوم و كنت محلمه حلم غريب ,, و طبعا تحليل المنزلي شاريته و مجهزته و اهلي ما يدرون لاني مليت من نظرة الشفقه دايم
سويت التحليل و انا فاقده الامل انه يطلع حمل بس عن قولة اني ما سويت التحليل
نزلت و غسلت و صليت الفجر ,, ورجعت للغرفه وكانت مظلمه
وامسك التحليل و اشوف طارت عيوني بهذيك اللحظه احس الارض مو شايلتني الله لا يحرمكم من هالشعور ان شاء الله تجربونه باسرع وقت
انا ما ادري ابكي اضحك اصارخ
نزلت لامي و معي التحليل واقول لها عندي لك هديه
قالت وشو
عطيتها التحليل وقالت وشو هذا ؟؟؟؟؟؟؟؟؟؟؟؟؟؟؟ هذا لك ؟؟؟ انتي حامل ؟؟؟؟؟؟؟؟؟؟؟؟
ضميتها وجلست ابكي
عاد ادعوا لي انا وولدي