اذا تبين شعرك يطول تعالي

السلام عليكم ورحمة الله وبركاته
وش رايكم بموضوعي احسه جذاب
بصراحه اضحك على نفسي وعليكم لانا صرنا حقل تجارب
كل يوم والثاني زيت جديد وكل ماارتفع سعر الزيت كثر الطلب عليه
رغم ان فيه بدايل ومتوفره في كل بيت
وبما اني استحيت على وجهي لاني بصراحه حسيت وش كثر انا انانيه معاكم
لاني من دخلت المنتدى وانا اخذ ولا اعطي
عموما بقولكم وشلون تحصلون على شعر رهيب
بدون خساير لاتقولون عني بخيله تراني اكبر مبذره ربي يرحمني
اول شي واهم شي قبل لاتبدين لازم تقصين شعرك المتقصف كله
بصراحه انا قبل كنت امووت ولا اقص شعره من كثر مااحب شعري
بس بعد التجربه ماعندي مانع لو اقصه كل شهر
لان كثر القص يطوول الشعر وبسرعه
بعدين
قبل لاتحطين اي زيت بشعرك لازم تغسلينه بماء دافي حتى يستفيد شعرك
ومن افضل الزيوت زيت عافيه يابنات وربي انه روعه للشعر
وفيه زيت نرجيل او النرجين اللي بعلبه خضرا
خالتي ماتستخدم الا هالزيت وماشاء الله تبارك الله
شعرها اهي وبناتها ربي يحفظهم يجنن
بعدين الحنا مع الحليب السائل مره مفيد للشعر
واللي شعرها مصبوغ تستخدم سدرر مع الحليب
يعني اذا بقى عندك حليب خليه بالثلاجه واستخدميه
انا بصراحه مااكب الحليب ابد دايم اذا بقى لو شوي احتفظ فيه واستخدمه
لي ولبناتي قولوا ماشاء الله تكفون
يابنات صدقوني اكثر الزيوت مغشوشه يعني اذا ولا بد انتي اخلطيها بنفسك
مثلا زيت اللوز والسمسم وعافيه
مدرري احس ان كلامي كله سواليف الظاهر اني اللي يقولون عنه سكت شهرا
ونطق دهرا
وسامحوني على الاطاله
بسومه
يارب احفظ زوجي واولادي وحنن قلبهم علي
قولوا امين