اذا حمستوني بعلمكم

هلا والله انا الصراحه طبعي بسيطه واقتصاديه وذكيه ههه بدينا مدح
يعني الحمدالله تفكيري مومثل بنات هالايام يفكرون بالمظاهر ولفت النظر انا الصراحه اعاني من العين والحسد عشان جذي حاولت ان اخلي كل شي راقي وناعم مولدرجه مبهره عشان اتجنب الحسد
عموما انا تزوجت طالب بالجامعه عن قصه حب وبما ان طالب كان المهر فوق المناسب بالنسبه لطالب 5000 دينار
مع شبكه ودبله
والصراحه خشيت منهم لاني ماحب اول الزواج اطلب من زوجي وايد فلوس وعشان اشتريله هدايا حلوه بوقت المناسبات
زهبت احلى الملابس واغربها والعطور مثل اي عروس وخصوصا المكياج شريت مكياج روعه الكل قالي متغيره شنو هالميكب الروعه وايد حلوه الالوان طبعا من كل الماركات
اما الصباحيه انا يوم عرسي كنت مريضه ههه نزله معويه يوم عرسي ورمد حبيبي بعيني يعني عين ماصلت اقولكم انا العين وراي وراي فصباحيتي كانت مرض في مرض وما استانست ابد كنا حاجزين بمنتجع فخم هيلتون حسافه والله وانا طايحه بالفراش ولاتمشيت فيه ولاشي
بس شنو بعد

rhythm حبيبتي لما اتجوز وربنا يبعتلي ابن الحلال ههه حكون اول وحدة حرد عليكي بالموضوع هاد
ادعيلي بس
دمتي بخير
شوق
تحياتي

حده حلو الموضوع
انا الجين مالجة مهري كان 4000 + شبكه الماس + دبل الماس
جهزت لحد الأن من فلوس أبوي يعني علشان مابي المس المهر ابيه حق بعدين
ورانا سفر واستحي اطلب منه من اول شي فخاشتهم حق بعدين
شريت عطورات كله ستوكات كاملة و الصراحة اخذت اسامي العطورات من منتدى الفراشة
وشريت قمصان نوم اشكال وارناق ، وشريت ملابس وجناط وجواتي ماركات حق المناسبات والعزايم
وشريت بدل عاديه حق طلعات من مانجو وجذي سوالف مجمعات عاديه
والعرس لي الحين ماجهزت بس نفنوفي قاعده اشتغل فيه
اما الصباحية لي الحين و العرس لي الحين بس ودي اسويه اسطوري
وشكران

انا مهري كان 80 الف ريال سعودي ادري قليل بس زوجي وحيد اهله وماعنده اخوان عشان كذا راعيناه كثير بالمهر
شريت كل اللي ابيه .. وصباحيتي ..
اذكر يومها ما نمت انا وزوجي الا الساعة 11 الصبح وبعدها نوم لين الساعة 7 بعد العصر .. وكان اهله يجون بس ماحد يرد
على التليفون فيعرفون اننا نايمين ويرجعون لين اليوم الثاني يوم اتصل عليهم وجو عندنا .. لبست يومها فستان سهرة هم جو بالليل
لونه ازرق بس اللون الحلو .. وقتها كانت موضة الالوان الفاتحة ..
وبس ......
الحمد لله مبسوطة اول ايام زواجي .. بس عارفين الاهل لازم ينغصون ع الواحد خصوصا اذا كان وحيد اهله ..
اتمنى فدتك . والله يوفقك ويوفقنا ..

انا زواجي السبوع الجاي ادا خلصت بسوي لكم موضوع يحبه قلبكم

انشالله اعرس يا رب
واعلمك

انا مو متزوجة ولا مخطوبة
بس كذا داخلة لقافة
ههه
الله يوفقكم يارب

الاسطورية
الاسطوريه مشكوره ياقلبي على تفاعلك ومجاملتك لموضوعي......وياقلبي عسى ان تكرهوا شيئا ويجعل الله لكم فيه خيرا كثيرا.....rhythm

شوق 20
مشكوره على مرورك يالغلا.....rhythm