ارجوكم بعد ربي سبحانه أنكم تساعدون أخت لكم بالله ولكم دعوه قبل الافطار

1. المشكله:


2. قلت لا بس شنو معنى أن أخوك يفطر عند زوجته قال أن وش علي منهم

بسم الله الرحمن الرحيم
السلام عليكم ورحمة الله وبركاته
انا من عضوات المنتدى المتفاعلات كثيرا سجلت بعضويه جديده عشان محد يعرفني وسامحوني لاني راح اغير شوي بالحقيقه عشان محد من جيراني يعرفني
معلومات عني:
انا من الامارات العربيه عندي بنوته عمرها سبع شهور وزوجي يموت فيها واهلي ساكنين قريب من بيتي واهل زوجي ايضا

المشكله:

زوجي الله يخليه لي ولايحرمني منه كل يوم يفطر برمضان عند والدته الله يطول بعمرها صارلنا سنتين ونص من تزوجنا وأهو أغلب المرات عندهم ...أنا ماقصدي أمنعه بس أبيه يفطر وياي أذا مويومي يوم أي ويوم لا اللي متعبني وياه أنه رافض النقاش معاه مولياً بهالموضوع لانه يقولي وش تبين الناس يقولون عني "حريمه"!!!!!!

قلت لا بس شنو معنى أن أخوك يفطر عند زوجته قال أن وش علي منهم

قلت مو أنت تقول أنا وأخواني لازم نفطر عند أمي كلنا وهذا عاد أخوك فليش أخوك ماسوى جيه مثلكم
المهم أنا طباخه ما أمدح نفسي بس الكل يشهد علي والله من قلت جياته هني ببيتي صرت ماعاد أطبخ إلا نادراً كل ما اقوله انت يوعان يقول لا احسه شوي بخيل مايبيني اطبخ وأطلب طلبات للمطبخ والمقادير الفلانيه ناقصه أما أذا جو أخوانه يجيب كل شي عشان أطبخ لهم وبعد مايروحون أحسه مبسوط حيل هو متعلق بأهله كثير وأنا ما أقصر وياهم أجيهم أكثر من مرتين بالاسبوع عشان أفرحه
شوروا علي شنو الحل من وجهة نظركم لان مليت من كل الحيل
وصحيح هو دايم يقولي أنحفي وأنا أطنشه لان كل من جاف جسمي يقول يخقق ؟
شنو رايكم بسوء التفاهم اللي حاصل بيننا
وهم بعد شلون
اخليه مايتركني ولا دقيقه...!!