ارجوكم ساعدوني الله يدخلكم الجنه ابغى شي غريب للانجليزي وسهل بنفس الوقت

هلا حبيبتي تكلمين عن العادات والتقاليد السعوديه مثل العيد و...الخ
وهذا سهل وماخذينه اتوقع في ثالث متوسط
او تكلمي عن الاكل مثلا الفواكه وجيب صور للفواكه والفيتامينات اللي فيها
ولا عن الدول واللغات اللي يتكلمونها وعملاتهم
اتمنى اني افتدك

شوفي ياعسل .. انتي تبغي شيء مميز مو ..
ممكن موضوعك يكون عن الورود ..
وتتكلمي عن أنواعها واسماءها وروائحها وكل المعلومات الي ممكن تلاقيها عنها .. وتربطي دا الشيء بالدين وتضيفي آيات قرآنية تكون مترجمة .. وقصائد لكتاب اانجليزيين عن نوع من الورد او شيء زي كدا ..
وممكن تتكلمي عن "الطيور " بنفس الطريقة من شعر وصور وآيات قرآنية .. ومإلى ذلك ..
وانا لو كنت مكانك كنت حتكلم عن "حضارة الأندلس وتاريخه " .. صور .. ومعلومات ..
وازا تبغي مساعدة بأي موضوع اخترتيه من مواضيع أو قصائد او اي شيء تاني ياعسل راسليني ..
بالتوفيق ..
ودعواتك ربنا يحقق لي الي في بالي ..

وعليكم السلام ورحمة الله وبركاته ..
تمام , وأنتي أخبارك ؟!
ممكن تتكلمين عن المدينه اللي تحبينها أو عن رمضان أو العيد أشياء مميزه كذا انتي فكري وأبدي اكتبي بقوقل عن أشيائك ...
الله يعينك ..

مره شكراً بنات
الله يوفقكم ويدخلكم الجنه

انا ممكن اسويلك هوة على هيئة بحث
او عرض بوربوينت
او اللي تبغي
وبالأنجليزي
بترتيب
وتنسيق
وصور
ولو حابة تكون الصور زي الرسومات او على هيئة كليب أرت علشان ماتاخد حبر في الطباعه
ولو حبيتي اي اضافة او تعديل فية اسوية لكي
وممكن اسويلك نسختين
نسخه بالأنجليزي على شكل مقاطع وتحت كل مقطع ترجمتة طبعا النسخه دي بتكون لكي
والنسخه التانية كلها انجليزي هيا دي اللي حتسلميها للتيتشر
وراح اقترح عليكي بعض المواضيع اللي ممكن اسويها لكي
طبعا انتي طالبة فكرة غريبة وتبغي شي غريب
ممكن نتكلم عن
فن التصوير بأنواعة وتطوراتة
علم الإستنساخ
المراهقة
مصاص الدماء
اسماك القرش
ممكن تختاري واحد منهم
او تختاري موضوع تاني ومن عيوني اسويلك هوة
والسعر ماحنختلف علية ابدا
والتسليم في موعده انتي بتحددية
موفقة اختي

حاولي تعملي ملف بسيط وسهل عشان تحس انك انت مسويته ومهتمة فيه وحاولي تختاري مواضيع شيقة ومحببة للبنات في سن الثانوية لا تختاري شي خيالي ولا صعب بالعكس كل ما كان الموضوع سهل وشائع كل ما أبدعتي فيه ،،
أنا مرة عملت عن الميك أب والدكتورة اعجبت فيه جداً حتى البنات كانوا متحمسين معايا لأنه شي سهل عليهم يفهموه ويتشوقوا لأنهم يعرفوا عنه أكثر ،،
وحلوة فكرة الأخت Pink انك تتمكلمي عن بلد معينة حيكون سهل عليك تلقي الصور اللي تحتاجيها ،،
اذا حددتي الفكرة اللي تبغيها أكتبي لنا هي هنا وان شاء الله كلنا بنساعدك ببعض الصور والمقالات ،،
وبالتوفيق والسداد يارب ،،

ممكن تتكلمي عن الرياضة مثلاً موضوع حلو وبسيط ،،
وهذه مساعدة مني اذا حبيتي تكتبي عنه http://www.learnenglish.de/vocabulary/sport.htm
وهنا يوضح المكان والمعدات المستخدمة ونوع الملابس ،،
http://www.musicalenglishlessons.org...lary/sport.htm
وموقع آخر يسرد أسماء الرياضات ،،
http://www.englisch- hilfen.de/en/words/sports.htm

بالتوفيق