ارجوكم يا بنات محتاجه دعوه صادقه منكم ولكم بالمثل يارب

1. السلام عليكم حبيباتي

السلام عليكم حبيباتي

يا بنات طلبت منكم الدعاء لاخت زوجي انه الله يرزقها بالزوج الصالح عاجلا غير اجل البنت وصل عمرها ل 32 سنه ولسه ما تزوجت واحنا حريم اخوانها اصغر منها وعندنا عيال تخيلوا احساسها والله نفسيتها تعبانه وتحسيها مالها خلق وصارت مره حساسه وغير كذا عصبيه وما تستحمل كلمه من حد وعازله نفسها ومن جد ما اتنمى اشوفها كذا طول عمرها ابغى اشوفها في بيت زوجها ووسط اولادها وحتى لما اقول لها ادعي واستغفري ما تعرفي الله يرزقك قريب تغير السالفه وتتضايق وكل صديقاتها اللي حولها تزوجوا يا بنات طلبتكم لا تردوني ترى دعاء المسلم في ظهر اخيه المسلم مستجاب ويمكن دعاء وحده منكم يكون سبب الله يرزقها الزوج الصالح ومن فرج على مؤمن كربه فرج الله عليه كربه من كرب يوم القيامه وابوها الله يصلحه متشدد ومشترط زوجها من نفس القبيله لو البلد كلها جتمعت عشان يغيروا رايه ما رح يرضى وهذا اللي زايد الطين بله واحنا عايشين جنبهم وكثير تتحسس اذا سافرنا مكان انا وزوجي او طلعنا وحدنا ليش ما قلنالها وانا ما احب اضايقها مسكينه والله حاسه فيها حتى صرنا ما نرتاح نسافر مكان الا والعايله كلها رايحه عشان ما تحس بضيق واتنمى يجيها زوج يسفرها العالم كله ولا تحتاجني انا ولا تحتاج اخوانها والله اني شايله همها والبيت كله شايل هما ونفسيتها كل سنه تتعب اكثر وادعوا لاخواته بعد هما بنتين بس لسه في بدايه العشرينات عسى عرسهم يكون بعدها يارب
يارب دعوتك باسمك العظيم الاعظم الذي اذا دعي به استجاب هو الله والواحد الاحد الصمد لم يلد ولم يولد ولم يكن له كفوا احد ان ترزق كل من ردت على موضوعي الزوج الصالح المتدين صاحب الاخلاق والخلق من اهل العلم والاخلاق والجمال والمال يسعدها ويفرحها ويحبها ويصونها طول عمرها ويجعل امه مثل الام الحنون لها واخواته اعز من الاخوات يارب ويجعل حياتها كلها في سعاده ورخاء وهب لها ذريه صالحه تقر عينها ذريه بصحه وعافيه تقيه صالحه جميله يارب ووفقها في كل خطوه تخطوها وبدل حياتها من شده وكرب لفرحه وسعاده امين يا من لا ترد دعوه الداعي اذا دعاك استجب دعائي لاخواتي المسلمات عاجلا غير اجل يارب العالمين
اللهم هب لبنات المسلمين و الفراشة من لدنك زوجا هنيا لينا ودينا مرفوع ذكره فى السماء
والارض وارزقهم منه ذريه طيبه عاجلا غير اجل انك سميع الدعاء