اريد أن نستفيد من خبرات و تجارب المتزوجات

1. س/ ايه هيا الأمور اللي لازم الوحده من البدايه تعود زوجها عليها


2. ح اديكم امثله بسيطه عشان تفهموا قصدي وانا ابغاكم تتدونا خبراتكم:

السلام عليكم ورحمة الله و بركاته
عذرا ع خربطة الافكار اللي ح تقرأوها بحاول قدما اقدر اوصلكم فكرتي و اتمنى تفيدوني يا متزوجات
قرينا كتير عن ان الوحده لازم لما تنخطب و تتزوج ما تنسى نفسها و تعيش بس لزوجها
يعني لربها حق و لنفسها حق و لزوجها حق و كل الحاجات المهمه بحياتها لها حق
بعض البنات ينسوا حالهم و يسخروا كل مافيهم لازواجهم بحيث انهم يفقدوا التوازن و بالتالي تتعكس
حياتهم ..........
بدي من المتزوجات يجوا هنا يكتبوا لنا كيف تكون المرأه ذكيه بحيث انها ما تنقص ع نفسها اي حاجه
من حقوقها و بنفس الوقت ما تقصر مع زوجها أبدا ابدا
و في مقوله أنا مؤمنه بها جدا جدا (( زوجك على ما تعوديه و ولدك على ما تربيه ))

س/ ايه هيا الأمور اللي لازم الوحده من البدايه تعود زوجها عليها

ح اديكم امثله بسيطه عشان تفهموا قصدي وانا ابغاكم تتدونا خبراتكم:

• لازم الزوج يتعود يصرف ع زوجته حتى لو كان لها مرتب أو (مكافئه من الجامعه)
• لازم الزوج يتعود انه يحترم زوجته و مايتلفظ عليها بألفاظ تسيء لها
• لازم الزوجه تعود زوجها انه اسرار البيت لازم تكون محفوظه مايتكلم فيها عند أي ما كان لو حتى أمه أو صاحبه المقرب > بالزات لما يكون الزوج ع نياته و يتكلم بعفويه
• لازم الزوج يتعود انه لما يغير ملابسه مو يرميها ع الارض و يروح لأ المفروض يحطها في سلة الملابس
• لازم الزوجه تتعود تناقش زوجها مو كل ما قال حاجه قالت حاضر لأنه بكره ما ح ياخد رايها أبدا

كتيره الحاجات اللي لازم الوحده تكون فيها ذكيه بالذات مع زوجها بس انا وحده من الناس اللي تجهل
الكتير من هدي الناحيه فأرجو وكم أفيدونا
واللي عندها روابط لمواضيع ممكن الواحد يستفيد منها أتمنى تحطها هنا
وشكرا جزيلا