اسئله تحتاج اجوبه في زمانا هذا

السلام عليكم يا فراشاتي الغاليات
في موضوع شاغل بالي له فتره واهو عباره عن تساؤلات كثيره في بالي بعضها قد القالها حل وبعضها ماالقى لها حل ولاتفسير
بنات منتو ملاحظين ان مشكله تاخر الحمل والانجاب زادت هاليومين !؟
وصار الحمل شي طبيعي ان يتاخر لو شهرين او ثلاث !
وصرنا نشوف زحمه مو طبيعيه عالعيادات والمستشفيات المتخصصه بعلاج تاخر الحمل !
وحتى المراجعات عند الدكتور الغالبيه تاخر حمل !
وصارت الحبوب المنشطه من كلوميد وغيره شي جدا عادي .. وحتى الابر المنشطه والتفجيريه شائعه جداا
وزادت عمليات التلقيح الصناعي واطفال الانابيب
وطبعا التكيس صار مثل الانفلونزا وايد بنات ونساء يشتكون منه !
عكس قبل سنوات ! الموضوع كان مختلف تماما
كانت الغالبيه من النساء يحملون اول شهور الزواج اذا ماكان من اليوم الاول
وكانت العيادات والمسشفيات تزدحم بالحوامل ونسبه لاتذكر من غير الحوامل !
وكان تاخر الحمل شي نادر !
وكانو بعد فتره من كثر الحمل وللانجاب يشغلون نفسهم في البحث عن موانع الحمل
ويجربون انواع واشكال من هالموانع كل هذا خوف اذا مافي مانع حصل حمل
على فكره عن جد الموضوع غريب وسالت الدكتور عنه وقالي فعلا زادت حالات التاخر في الحمل وضعف التبويض بشكل خاص وهاذا شي منتشر وايد
وحتى وايد اقرى في مقالات بالجرايد والمجلات عن انتشار حالات تاخر الحمل بشكل كبير وملحوظ
ياترى ليش؟ وشالسبب ؟!
الاكل ؟! نوعيه وجودته تغيرت واختلفت ؟! قمنا نعتمد من صغرنا عالجنك فود !؟
الجو والملوثات ؟! يمكن يكون له دور ؟
انا سمعت ان انتو بكرامه حفاظات الاطفال والفوط النسائيه الصحيه هم لهم دور ! على حسب النوعيه
بس معقوله !!! قبل بعد يستخدمونهم ! يمكن الجوده اختلفت والنوعيه وهذا له اثر !؟
يمكن بسبب الجينز الحين احنا من احنا بيبي ونلبس الجينز يمكن يكون له دور ؟!
والله مادري احترت ودي اللي عندها افادات تفيدنا شوي ؟
ودي اللي تدش وتقرى ترد برايها هل فعلا جذي ولا انا بس قاعده اشوف هالشي جدامي !
عدل كلامي يافراشات ؟!