استفتاء تفضلين تعيشين عند عند اهل زوجج او بشقه

انا احب الاستقلالية وان الزوجة تقعد بمكان بروحها بس اذا كان بيت اهل زوجها يوفر الاستقلالية بحيث يكون لها مدخل منفصل ودور منفصل ليش لأ خصوصا اذا كانت امكانيات الزوج متواضعة وماهو قادر على ايجار الشقق

بالنسبة لي طول أيام الأسبوع بشقة ويا زوجي وبناتي بس بالخميس والجمعة والاجازات نكون مع أهله في غرفة خاصة لنا بالدور الثاني.. والاثنين مرتاحة لهم ولله الحمد..
وصدقينب مرتاحة ويا أهل زوجي وكلهم طيبة ودين وأخلاق ,اتمنى بالفعل لو أسكن معاهم لأن بناتي كثير يحبوهم ويحبون يكونوا مع عماتهم وأعمامهم..

يقول المثل( ابعد عن حبيبك يحبك )ومهما كان لو الوحدة سكنت مع اهل زوجها راح تحصل خلافات وان لم تكن كبيرة فسوف تكون خلافات بسيطة فانا افضل ان اكون بعيدة حتى وان كانت علاقتي بهم جيدة .. الا في ظرف اذا كان زوجي ماديا لا يستطيع ان يوفر لي مسكن يضمنا سويا فحينها اسكن معهم .

رائي ان يكون لها الاستقلاليه حتى لو في بيت اهل الزوج حتى لا تحدث مشاكل لو بسيطه .خصوصا مشاكل الاولاد وازعاجهم . لان كبار السن مايحبوا الازعاج

انا ساكنه مع أهل زوجي بس لي مدخل بروحي منفصل عنهم وفي بينا باب دايما مفتوح
صراحه انا مرتاحه معاهم وايد علما انه بأول الزواج صارت شوية مشاكل لانهم كانوا يدشون عندي ساعات من غير سابق انذار وهالشي كانت خالتي تسويه بس بعدين تفاهمنا على الموضوع وصارت لي خصوصيتي بالبيت
الحين وايد مرتاحه معاهم وخالتي مريحتني بوايد سوالف
أنا اقول اذا كانوا اهل الزوج طيبين فماكو مانع الوحده تسكن معاهم وتكون طيبه مثلهم لانه المعامله بالمثل بس طبعا لازم يكون لها خصوصيتها

اتوقع على طبيعه اهل الزوج يعني اذا كان بس الاب والام واولاد ماتزوجو عادي اسكن معاهم
بس اذا كان عندهم بنات وحريم اخوان لا مااقدر اسكن معاهم لانه مهما كان ماراح يخلو الوضع من المشاكل

انا احب الاستقلاليه...........وساكنه بشقه ويا زوجي...ومستحيل اسكن مع اهل زوجي لو يقطرون عسل....وكما قال عمر بن الخطاب رضي الله عنه (رباالقرابه ان يتزاوروا ولا يتجاوروا)............

أنا ساكنة مع أهل زوجي مع إني لي ملحقي الخاص وإلي يتكون من غرفة نوم وغرفة صغيرة وحمام بما إني لين ألحين ما عندي عيال ما في مشكلة لأني من النوع إلي يتأقلم مع جميع أنواع الناس وأتحمل وايد بس أفضل إن الحرمة يكون لها بيتها الخاص تروح وتيي بدون لا أحد يراقبها تدخل المطبخ وتطبخ إلي تحبه ويحبه زوجها يعني تحس بالاستقلال والاستقرار. ولما بيكون عندي عيال ما بيكفيني المكان وأبغي حجرة للأولاد بعيدة عن غرفتي علشان العيال متى صاروا يفهمون لازم يكون لهم غرفة خاصة وبعدين بتربين العيال بطريقتج بدون لا أحد يدخل في تربيتهم. مع إني زوجي يقدر إن نعيش يا في شقة ولا في بيت لكن ما يبغي يودر أهله لأنه هو آخر واحد ادعوا إن الله يهدي ويفهم حقوق الزوجة مثل ما هو فاهم حقوق أهله.

انا بيت حماي اكتر من رائعين بس بالنسبه الي ما احب ابدا اسكن عند احد مو لانهم بيت حماي لا بالعكس هم كتير طيبين حتى لو قالولي اسكني عند اهلك ما رح اسكن لان انا اموت بالخصوصيه
والوحده اذا سكنت عند احد ممكن يصير خلاف صغير انت وزوجك ويسمعو بيت حماكي ويتدخلو
وانا من الناس اذا دخل احد يكبر الموضوع عندي
مع العلم لو هذا الخلاف صار في بيتك الخاص رح ينتهي لحالو
فانا ضد هذه الشغله كمان الوحده ماتقدر تلبس اي شي يريحا متل ماتكون ف بيتها
والناس تيجي عندها موعد
حتى لو كنتي بشقه منفصله احتمال انهم يدخلو عليكي باي وقت وارد
فلازم تكوني متل الشرطه مستعده باي لحظه
هذا راي
واختلاف الراي لايفسد الود