استفسار لخبيرات وفنانات المكياج ارجو المساعده

حبيبتي أنتي من كلامك عندك مشكلة بسيطة وهي توزيع الأساس عندك
يعني أنتي إذا حطيتي الأساس على جهة وحده لآزم توزيعها بوقتها مو تنتظري
يعني بعضهم يحط اساس على الجبين وعلى الخد الأيمن وعلى الخد الأيسر ويبداء يوزع اللي على الجبين وهذا معناته أن اللي على الخدين رآح يجف ويتشقق بعدين
طيب أنتي جربي عندك بالبيت وحطي مثلاً على خدك اليمين وابدي وزعيه وبعدين حطي على اليسار وابدي وزعيه تمام وبالتنسيق ورآح تنتهي مشكلتك
إن شاء الله يكون شرحي وآضح
<<< هذا من تعليم الكوافير ام ملاك

هلا حبيبتي ولاتنسين غاليتي ترطبين بشرتك قبل وضع المكياج هذه نقطه مهمه تنساها كثير من البنات من العجله

تسلمون لي يابنات الله لا يخليني منكم
لكن بالنسبه للتوزيع انا اوزع مباشره ما اخليه يقعد ابدا
والترطيب دايم ارطبها؟؟؟
لكن مادري وش المشكله تهي

لازم تستخدمين البيس قبل كريم الأساس
يثبت المكياج وما يتشقق حطيه قبل كريم الأساس بعشر دقايق

طيب وشلون اعرف اي بيس يناسبني وغير كذا وش اجود الانواع والماركات بالنسبه للبيس
ابغى شي عن تجربه ومعروف
ويعطيكم الف عافيه حبايبي

بصراحة أنا جربت بيس ماركة سماش بوكس وبعده أحط كريم الأساس وصار ما يبقع معي المكياج ويجلس لاخر السهرة ..
هذا من تجربة ...وقبل كنت ما أحط بيس وكان المكياج بعد فترة يبقع وخاصة على منطقة الأنف ...

اختي مثل ماقالوا الاخوات
رطبي بشرتك
ومن ثم استخدمي البيز ومن بعدها استخدمي
كريم الاساس ووزعيه زين لكن لاتسمكيه
كوني حريصه انه طبقه متوسطه
وبعدها بالكونسيلار غطي الجفن من فوق ومن تحت
ولا تكثري تحت العين عشان لا تظهر لك خطوط
مثل التجاعيد
واتركيه شويه ينشف وبعدها انثري الباودر
وبعد ماتنثريها بالمخده على كل الوجه
ارجعي بالفرشه الخاصه انفضي الزايد منها
اللي على وجهك
وبس

حبيبي الاساس عاى حسب نوع البشره اول قوليلي ايش نوع بشرتك