استفيدوا من هالمعلومات قبل الصيف حياكم

1. غالبا كل ليله


2. نص ليمونه معصوره+ملعقه صغيه نشا بودره+ملعقة عسل +ملعقة ماء ورد

السلام عليكم ورحمة الله وبركاته
ماشاءالله ولا حول ولا قوة الا بالله
مشاركتي في مسابقة رشاقتي بالصيف احلى
راح اتككلم عن عنايتي بشكل مفصل وارجو من الله انه ينفعني وينفعكم
يمكن تشوفون ان عنايتي اكثر من اللازم بس انا بغربه ومتفرغه نوعا ما لا زيارات ولا مجاملات ولا ارتباطات الا نادرا
اولا...........الريجيم
رجيمي الحالي هو ريجيم اندومي بالشطه
ثلاث ايام منتجات البان
ثلاث ايام فواكه
ثلاث ايام خضروات
ثلاث ايام لحوم
والحمدلله الى الان خلصت من ايام الالبان
وقبله كنت مسويه اسبوعين من ريجيم اسامه حمدي ولله الحمد النزول كان مرضي
ثانيا ...الرياضه
الستيب مية مره 3 مرات بالاسبوع
الصورة مخالفة-الاشراف
مشي شبه يومي والاوقات متفاوته
رياضة الزنود..
الطريقه المروحيه مرره روعه وتنزل الزنود
استمر وانقطع حسب الهمه والمزاج وكثير عوامل اخرى ههه بس عموما هذا اللي اعتمده وقت اكون منتظمه نجي للعنايه
ياحبني للعنايه بس
اولا ...الشعر
استخدم زيت دابر املا بالياسمين
XXXXXXXXXXX
صورة مخالفة-الاشراف
يوم بعد يوم طبعا
واحيان اسوي ماسك زبادي بامايونيز
وكنت خالطه قبل زيت زيتون بالفلفل بس ريحته تعبتني الظاهر لازم نحفظه بالثلاجه
واغسل شعري بمجموعة فروكتيس اللي احبها مره هذي من تصويري ريحتها روعه ع فواكه شامبو وبلسم والعلبه المدوره ماسك مدته دقيقه بس ممتاز للغايه
نجي الان للجسم ....
اول في الليل استعمل كريم للجسم قبل النوم اسمه carolight نصحتني فيه جاره سودانيه التقيتها في غربتي ونعم الانسانه بس شاءت الاقدار وابتعدنا ربي يجمعني بها في جنات النعيم
وفعلا ينعم الجسم ويفتح ويشيل اثر شيل الشعر والركب والاكواع يلمعها تلميع ماشاءالله ناسبني مرره
الصباح اتحمم بجل الدوش خاصتي رهيب لقيته باحد المواقع ومن يومه ما غيرته
1 كاس صابون سايل بيبي جونسون ماقبل النوم
1 كاس دقيق الارز وتراه فظيع يصنفر الجسم
3 ملاعق كبيره جلسرين
عطر زيتي وانا حطيت مسك ابيض من بودي شوب ملعقتين الريحه تلزق فيكي بشكل خيالي وتخليكي ريحة نظافه من قلب
بعد الحمام امسح خلطة 2011 اللي معروفه بالنت
جليسوليد 125 ملل
فنجال شاي او اللي ودك زيت اللوز المر بس انا حطيت فنجال شاي
قرصين فيتامين سي الفوار
عصير 4 ليمونات
طبعا تعصرين الليمون وتحطين فيه الفوار تخليه الين يذوب
تخلطين زيت اللوز المر مع الجليسوليد عدل
وبعدين تصبين الفوار والليمون ع الجليسوليد والزيت وتخلطينهم مزبوط
تحطينها بعلبه وتسكرينها وتخضين العلبه زين
وتحطيها بالثلاجه
ضروري بالثلاجه
راح تكفيك اسبوع<<<<منقول
استخدم لرجولي هالكريم وللان حلو مرره بس يبي تفرك كل يوم ومو دايم عندي وقت بالنسبه للوجه
اسوي قناع حلو مره

غالبا كل ليله

نص ليمونه معصوره+ملعقه صغيه نشا بودره+ملعقة عسل +ملعقة ماء ورد

اخذتها من المنتدى وارتحت عليها لانها ما لها ريحه مزعجه ومالها لون يعني ما يبان انك حاطه شي شفافه وماتسيح مع الحر زي الخلطات الدهنيه تنشف وتنشد وممكن تنامي فيها اذا ابو الشباب مو عندك تصفي البشره ومنتصف الوجه يبرق برق ماشاءالله ومن ثاني استعمال تلاحظي
وجربت من فتره قناع زيت زيتون بالكركم لاني اعاني من الهالات تجي مع الحمل بس وقفتها لانها مع الحر تسيل وتزعجني تحرق عيوني يبيلك تحطيها وتحت المكيف او ما تتحركي
استخدم غسولات نيتروجينا وهذا كمان وكريم درموفيت الاخضر ممكن مره او ثنتين بالاسبوع
واحط كريم اولاي للنهار بعد الغسول
ولما اطلع واقي الشمس من سيفورا رهيب لانك تضبطي التركيز حسب درجة الحراره ومو مدبق ولا يسيل
وسكراب السكر بزيت الزيتون اعجبني مدح البنات له وباذن الله اجربه قبل الميكب
بالنسبه للكرشه
واه من الكرشه
طحت من اسبوع تقريبا ع هذا الكنز مدحته لي الصيدلانيه وكان عليه عرض اثنين بسعر روعه واخذتهم يجنن لابعد حد والحمدلله
قبله كنت استعمل كريم روك برضو حلو بس هذا اروع وسريع
ومفكره اسوي لها القهوه بخل التفاح يمدحوه مرره لسيلوليت وبسويه بهالاداه الرهيبه الرخيصه لتكسير الدهون
هي من بودي شوب البنات ياخذوها انا لقيته بسيفورا واخذتها بس يمكن حقة بودي شوب احسن تسوي بيها حركات دائريه اثناء الاستحمام وافكر اسويها مع البن والخل
وبس غير اني اشفطها لجوا لما اجلس عاللابتوب نجي للعنايه الخصوصيه شوي يمكن مالها علاقه بالاستعداد للصيف
بس حطينا موضوع وتعنينا نقول اللي عندنا ونفيد الحوائيات اللي ياما استفدنا منهم الله يسعدهم
بالنسبه للمناطق الخاصه استعمل الحلاوه وما اغيرها باي شي ولا في شي ينافسها <<في نظري عالاقل
طبعا حاولي ع مناطق صغيره تمديها وشوي شوي نمدها مع منابت الشعر ونسحبها عكس اتجاه نمو الشعر وليس العكس لاننا بهالطريقه ما نضطر نرجع عالمنطقه مية مرره
خلصتو من الحلاوه وتروشتو
في علبه
فازلين بودرة اطفال وموية ورد وجلسرين ممزوجين نمسحهم عالمنطقه
نعومه وبياض
وللمتزوجات
المتزوجات فقط
تحاميل التضويق المنزليه
مقادير متساوية من عشبة القرض والمرره تطحنيهم بالبيت وتصفيهم من الكتل الكبيره وبالعسل تعجني وتسوي كويرات صغيره توضع داخل المنطقه
ترجعك عروس باقل من ساعه بس يفضل تحطينها من بدري عالصبح مثلا لليل تكون روعه ولحالا تعقم وتضوق وتجفف
اعذروني يا بنوتات
اتمنى اني كفيت ووفيت وربي يوفقكم لما يحبه ويرضاه وتنحفو من غير شر
اعتذر من صاحبات الصور
كان نفسي اسوي المشاركه من تصويري بس الكاميرا تعرضت لسيل مدمر من سعابيل بنتي وجاء اجلها
رحمة الله عليها ما قصرت كرفتها يمكن ان الاوان لتفسح المجال لضرتها الاحترافيه ههه
اللي تستفيد ولو بالقليل تدعو لوالدي الغالي بالشفاء والمعافاه وان ربي يقر عيني بشوفته سالم غانم عاجلا لا اجلا يارب العالمين
ان اصبت من الله وان اخطات فمن نفسي والشيطان
سبحانك اللهم وبحمدك اشهد ان لا اله الا انت استغفرك واتوب اليك منقول