اسرآرنا و سوآلفنا ونقاشاتنا عن الشعر تعالي شاركينا تجاربك واسرارك

راح ابدا واكون اول وحدة
انا كان عندي منطقة بفروة راسي من ورا مافيها شعر
وماتنبت
وظليت فترة رغم عنايتي بشعر وكذا لكن هي ماكانت تتحرك ابدا ولا تجيب معها نتيجة
عاد انا قريت بمواقع اجنبية فوائد الفلفل الحريف للشعر
عاد قلت ما يبيلها وتحمست وجربته
لكن ماسويته بالطريقة اللي منتشرة بالنت (فلفل+زيت زيتون)
لا ماكان لي خلق زيوت يكفي اللي عندي
سويتها بطريقة ثانية
بحيث يكون مثل التونيك احطه وما اغسل بعده
واستمريت عليها ونسيت سالفه ذيك المنطقة
بعد فترة وبيوم من الايام كنت جالسة عند التلفزيون
وامي جنبي
وجلست تطالعني وتقول وش مسوية انتي بشعرك
انا انهبلت وقلت وش فيه ؟وش صاير؟؟ <<<<<طار قلبي وخفت
قالت امي ماشاء الله نابت لك شعر بالمنطقة الفاضية وكمان نابت بمقدمة الشعر شعر صغيرون وباماكن ثانية
ماشاء الله تبارك الرحمن
عاد انا ما كنت اعاني من مشاكل الا بذيك المنطقة لانها كانت قاهرتني
ومافيها شعر واحترت وش اسوي معها
ورحت ركض للمرايه اتاكد
الا كلام امي صدق
وبعدها تاكد انو الفلفل جاب نتيجة وحكيت لامي عنه مشان تستخدمه
لي عودة باسرار وتجارب ثانية

مشكوره أختي "يستحق التقييم"
الفلفل اللي استخدمتيه الحآر ولاالبآرد "الرومي"
؟

أنا شعري كان كلمة يتساقط قليله فيه
والله سبب لي حاله نفسيه
وقل قل قل بشكل مو طبيعي
استخدمت كل انواع الزيوت
وكان طوييل طبعا لنهاية ظهري بس ضعيف ويطيح وخشن
قلت اول علاج اني بقصه
والكل عارضني
بس قلت لمتى استنى
طبعا اربع سنوات انا اعاني
رحت قصيته لين تحت كتفي بشوي
طبعا الكوفيره اندنوسيه جلست تضحك علي
تقول انت شعر طويل بس مافي فايده
كله خربان
وحشته كله
طبعا فالبدايه زعلت
بس ماشاءالله
من جيت البيت ماني مصدقه
ولا شعره تطيح
بعد كم يوم تطيح شعرتين او ثلاث
قلت ايش اسوي
قريت عن زيت رجائي اللي معنا بالمنتدى الله يجزاها خير
واشتريت منها
يابنات
كلمة روعه قليله فيه
خف التساقط
ورجعت نعومة شعري
وسار حيوي ماشاءالله
سرت كل اسبوع يوم احط حنه
واليوم اللي وراه احط زيت
ويارب لك الحمد والشكر
سبحان الله وبحمد عدد خلق ؛ رضآ نفس ؛ زنة عرش ؛ مدآد لمآت .. ..

رجائي جنة ربي
العفو ياقلبي
بالنسبة للفلفل
لا الفلفل الرومي ما ينفع الا مع الزيت
لانه ينعم ويطول الشعر
لكن الفلفل الحريف "اللي هو الحار"هو اللي استخدمته

فواحة الأمل
التساقط ترى له اسباب كثيرة
منها اسباب مرضية/اسباب نفسية/نقص التغذية
اذا ماكان عندك مرض او فقر دم
وتغذيتك مو تمام
اخذي مكمل غذائي
وعالجي شعرك بالماسكات ولو حابة مساعدة بالماسكات خبريني واعلمك
وماشاء الله
تتهني بالزيت
وان شاء الله يتحسن شعرك ويرجع احسن من قبل

عودة مع سر ثاني ونتيجته مضمونة 100%
للي مايحبون الزيوت والحنا والماسكات,,,,,,,,,,,,وهالاشياء
اختي الصغيرة الله يرحمها ويغفر الله
كانت ماتحب نحط لها زيت ولا تحب الحنا ولا تحب شي وكلما جت امي تحط لها حنا صياح وحالة وبطقاق تحطه
عاد امي قالت خلاص بكيفها ماني حاطة لها بس بحط لها محلب ووافقت اختي وصارت امي تحط لها محلب واستمرت عليه وجت الصيفية والله العظيم كل عايلتنا انهبلو من شعرها كان واصل لي نص ظهرها ويهبل وكل من شافها يسالنا وش تحطون لها
لذا هذا ينفع للي مايحبون الخلطات
واللي عندهم بنات او خوات صغار ومايحبون الخلطات
فوائد المحلب
يعطي ريحة حلوة للشعر،وكانو يستخدموه حريم زمان بتعطير شعورهم
يطول الشعر بس يبيله استمرار
المحلب فيه منه نوعين
محلب العادي اللي لونه على بيج كذا/ومحلب اسود
دعواتكم لاختي
ربي يرحمها ويغفر لها ويعوض شبابها بالجنة

الله يرحمها ويغفرلها وموتانا وموتى المسلمين بس انا اايدك بالنسبة للمحلب احنا نستخدمه للصغار يخفف حرارة الراس ويساعد على نموالشعر وتطويله
سلمتي ياعسل على المعلومات القيمة ويالله يا بنات الي عندها سر تقلنا نستفيد

ريشة باريسية
بجد المحلب مفيد
وينفع للي مايحبون الخلطات
وفوايده كثيرة
يكفي ريحته اللي ماتقارن بالزيوت
الله يسعدك ياعسل ويجزاك خير على الدعوة
اسعدتنا طلتك ومرورك

الله يرحمه ويغفر لها ....ويغفر لاموتنا واموات المسلمين يارب ....من جد المحلب جنان بس ماتحمل ريحته ...عمتى عجوز شعرها مره كثيف وطويل مشاء الله
ام شعري زان وكثر من الله ثم حامض الفوليك ...كثر وصار صحي