اسرار تنظيف المنزل

بسم الله الرحمن الرحيم نبدأ بالمطبخ طبعا اكثر مكان بالبيت يحتاج منا لعنايه يوميه هووالحمام اعزكم الله طريقتي قصدي اسراري بالمطبخ اغسل سيراميك المطبخ اللي هو الجدار بالفيري مع الخل طبعا اذا كان الجدار حالته حاله زيوت ومن سنين مانغسل الله يعينك البسي قفازات بلاستيك واستخدمي كلوركس مع تايد او مع فيري واغسليه بالسلك الخشن اللي مو مره خشن وبعدين غسليه واللي حريصه ودوم تنظف تكفي الفيري والخل بعلبه مرش بخاخ ماتحتاجينه وبخي وامسحي بفوطه قطن طبعا افضل فوط قطن يمكن راح تتعجبون فنايل ابو الشباب تقص مربعات وتستخدمينها وبالنسبه من فوق الدولاب ننظف زين من الدهون واحط عليه قصدير الدولاب بنفس الطريقه انظفه ماعدا الابواب الزجاج استخدم ملمع الزجاج خلصنا الجدران اللحين الشفاط طبعا اغسله اولا بالبخاخ سيترس ابخ واخليه عليه تقريبا نص ساعه واغسله بالمويه وبعدين بالاسفنجه ويكون فيها كلوركس معاه فيري والافضل تايد مع التنيه لا تحطينه مع البخاخ لا بعد ماتغسلينه وتغسلين المغسله منه نشفيه وخليه على سله المواعين ينشف جاء دور الفرن هذا عاد شغلته شغله اول شي لازم يكون عندك العملاق الابيض اكيد عرفتوه خاص بالمواعين وليف ناعم اللي كنا نلعب فيه وحنا صغار ناخذشوي من العملاق الابيض ونحطه على الليفه ونبدأ نفرك الأشياء الفضيه اللي بالفرن راح تنهبلون من اللمعه اللي تشوفونها بعدها غسليها بس بالماي ونشفيها زين عشان ماتصدي الفرن نفس الطريقه بس خفيف لأن اذا كثرتي راح تنعفسين بالمسح وتضطرين تطلعين كل الفوط اللي عندك اخر شي بخي بملمع الزجاج وامسحي بالمناديل من داخل الفن استخدم بخاخ موبي الطريقه واضحه على العلبه بالنسبه لتحف اللي بالمطبخ على حسب احيانا بكلوركس مع الفيري واحيانا الخل مع الفيري الاشياء الخشب راح اذكر بخاخ من اختراعي راح اكمل بعدين تعبت

مشكوره ياأختي
اعطينا من خبراتك....

انا عادة في التنظيف ابدا بالمطبخ الفرن احط عليه قصدير فما يجيه وسخ كثير اشيل القصدير لوسخ وامس الفرن بجف الخاص بالفرن وبعدين اغلفه بقصدير نظيف <<انصحكم بطريقة القصدير تحافظ على الفرن نظيف وجديد مافيه خدوش من التنظيف..>>
الثلاجه اطلع الدروج كلها واغسلها مع المواعين وامسح الثلاجه ببخاخ مكون من شوي كلوركس مع ديتول واكثر مويه وابخ وامسح وبعدما امسح الادراج ارجعها وارتب الثلاجه ..الدالوب امسحه ببخاخ الزجاج واذا وسخ مره بالعملاق الاخضر...البراده انظفها بالعملاق الاخضر ..الارضيه اغسلها بتايد وانتهينا
ثم الحمامات ارش الارضيه والبانيو والمغسله بمويه وكلوركس وابدا امسح الحنفيات والدش ب 101 وامسح المرايا والدالوب ببخاخ الزجاج وبعدين اغسل باقي الحمام بتايد...الغرف امسحها ببخاخ الزجاج واكنسها وانظف الموكيت او السيراميك بالعملاق الاخضر وصار البيت يلق لق،،،،،،،،،

ليش يابنات وين الباقين معقول ماعجبكم الموضوع 67واحده داخله ولا القى غير ردين ليه دايما مطنشيني بصراحه ماستغربت لما لقيت 2بي اللي ردوا مو اول مره

يعطيك العافية موضوع اكثر من رائع اهم شي في بيتي زي ماقلتي المطبخ والحمام وانتم بكرامة انا استخدمت للفرن فورس صراحة عجيب فرني كان معدوم لدرجة ماتتصورينها ولكن بفظل الله تغلبت عليها ثانيا الله يعافيك وش العملاق الابيض اذا عندك صورة نزليها وكمان نبي طريقة لتنظيف الحمام وصراحة الموضوع يبيله يتثبت ولرفع لانة مافي احد يستغني عن طرق تنظيف المنزل عامة ونستفيد من بعض

سلام وينكم يبنات مااحد ينظف بيتة مافي وحدة قد جربت شى ونفع يا للمغاسل او الحمامات اعطونا افكار

مساء الخير على كل الحلوين
حبيباتي انا بغير شوي واكتب لكم سر ثبات ريحة البخور بالبيت او الملابس
قبل لاتبخرون البيت جيبو بخاخ مويه ورشو الاثاث والموكيت بالمويه وبعدين بخرو ولاتنسون تخلون المبخره في الغرفه اللي تبون الريحه تثبت فيها وقفلو الغرفه نفس الشي اذا تبون الريحه تثبت في دواليب الملابس
اتمنى اكون افدتكم بشي جديد

مشكوره على النقل الرائع
ونبغى تفاعل شوي