اشكي الى الله تطلقت وانا السبب

1. السلام عليكم ورحمة الله وبركاته ،،،


2. المهم رجلي ماقصر معاي

السلام عليكم ورحمة الله وبركاته ،،،

اولا احب اشكر القائمين على المنتدى وانا بصراحه كنت مترددة اني اكتب شكواي لأن طبعي كذا ماحب اتكلم واحب الكتمان حتى وان كنت مظلومه
عموما مابي اطول وادخل في الموضوع على طول ...موضوعي هو طلاقي الاول من زوجي والمشكلة لم يكن غلطان بل ان من غلطت عليه بحقه وبأهله انا ادري انكم بتلوموني بس والله احبه واغار عليه وهذه سبب مشاكلنا والمشكلة اني ماقدر ابين له حبي له عشان كذا لما طلقني قال كلمه قال ( انتي طالق وهذا قرار لازم اقوله لج من زمان ) وانا والله اموت فيه لأنه رجل راعي دين ومصلي ولا يسمع حتى الاغاني ( بس مو مطوع ) اهم شئ انه رجل يحب الصلاة .
يا اخواتي انا دائما اقول كلام له ومع الوقت اكتشف انها المفروض ماتطلع مني مرة والدته تنصحني بشئ وكانت نصيحتها عاديه وبيني وبينها بس انا ماتحملت كلامها ولما دخل زوجي مديت له البوز وابكي عنده واهو يهديني ويحظني ويبوس راسي ويقول اعتبريها امك ولو ماتحبك مانصحتك واهي كبيرة بالسن ولا تزعلين عشان خاطري /// وانا يابنات بصراحه اشوف ان نصيحتها ماتزعل بس مدري ليش بكيت واتشكى عنده ...المهم طلعت مني كلمة المفروض ماتطلع قلت له ( امك نجسة وحقود وماتعرفها حيه ) بصراحه انا تمنيت الارض بلعتني والمشكلة ماتأسفت له سكت اخذتني العزة بالاثم .
اهو قام من مكانه وطلع بعد ساعه رد ووسلم على راسي ( وانا اتقطع من الداخل ياربي مايستاهل ) وهم ما تأسفت وقالي انتي تاج راسي واحبك بس والدتي يافلانه وانا اعرف زوجي لا يمكن تنزل الدمعه منه بس احس انه بكى من الداخل ,,,,واليوم الثاني رحت لخالتي ( والدته ) وقلت لها انا اعتبريني ابنتك . وقالت وانت بنتي بس انا مابي الناس يشوفون فيج شئ وبعدين انتي تسمعينه منهم ..

المهم رجلي ماقصر معاي

يقعد معاي يعطيني مصروف شهري موفر كل شئ في البيت واذا كان نفسي بشئ مادري الا وجايبة لي
وبعد ايام سويت مشكلة قلت له انت ماتحبني انت تكرهني ومو معبرني وتقعد مع ابوك وامك اكثر وانت ماتعرفني الا مصلحتك فقط اكل ملابس كأني خدامه اهنيه مد ايده علي وقال انتي طالق مستحيل الحياة معاك وامي لولاها ماصرتي زوجتي يالله .
والحين صار لي شهرين بس يتصل علي ويرسل مسجات وانا ودي ارد عليه بس مو قادرة :( وانقطع مسجات :(
اتمنى من الاخوات ينصحوني الله يفرج عليكم ،،وتعتبرون من قصتي ولا تفرطون بازواجكم