اصبري يا امي راح يجي يوم باذن الله وارفع السماعة واقولك باركيلي انا حامل يارب

احساس امراة

12-10-2022 - 10:51 pm

الله يرزقنا والله يابنات مرة خايفة ن مصيري بها الحياة
بنات انا بالغربة وامي بعيدة عني واحس حالي باموت حسرة
تخيلو تخيلو امي مو مصدقة انو فية عيب يمنع الحمل
لا وتسالني زوجك فية شي قلت لا يا امي انا الي بتعالج مو زوجي واحس الدنيا درات وطاحت ع راسي لمن سكتت واحسها مقهورة وخايفة علي
تعرفون تفكير الامهات ان الزوج راح يتزوج ع زوجتة عشان العيال
والله خلاص انهيت المكلمة بسرعة ماودي اسولف ودي اتعالج وارتاح وابشرها بعد شهر يارب بحملي لاني راح اسوي حقن
خلاص صرت مو شايلة هم زوجي وهمي
لا صرت شايلة هم امي وابغى احمل عشان تفرح
يارب ارزقني يارب هذا حالي اليوم
الله يعين
واسال امي ع ملكة اخوي وايش صار
راحت تحكيلي عن وحدة حملت بعد 6 سنوات وجالها توام بنت وولد والحين حامل مرة ثانية
طيب يا امي ياحياتي انا اسال عن اشياء بالملكة مو عن حمل
اناعارفة انها ودها تفرحني بانة في امل وتصبر نفسها بس خلاص تعبت تعبت ياناس
ودي وحلم حياتي ارفع السماعة واقول ماما باركيلي انا حامل والله العظيم صار حلمي احمل عشان ابشرها
الله يحفظها وتشوف عيالي يارب
ادعولي الله يجزاكم خير ادعولي

التعليقات (9)

توتي الصغيره

13-10-2022 - 02:03 am

الله يرزقك يالغلا
بالتوام السليم

أم مرام 2

13-10-2022 - 03:04 am

يارب يرزقكِ ان شاء الله ويفرح قلبكِ وقلب امكِ بالذريه الصالحه ان شاء الله ادعي واستغفر ويارب تفرج من اوسع الابواب

أعقل مجنووونه

13-10-2022 - 04:05 am

ياحياتي هذي قلووب الامهاات رهيفه الله لا يحرمنا ان شااء الله والله يطول باعمارهم يارب
والله امي مثل امك تسأل وشايله همي وحالتها حاله لا تأخرت علي الدوره لو يوم واحد استانست واذا نزلت علي احس الدنيا تضيق فيها
الله يرزقنا يارب ويفرحنا ويجبر خواطرنا وانفرح امهاتنا يارب

ودي احمل

13-10-2022 - 05:06 am

الله يرزقج يارب

dallyworld

13-10-2022 - 06:07 am

ان شاء الله حبيبتي الله هايرزقك الذريه الصالحه المعافاه السليمه كامله الخلق والخليقه التي تقر بها عينك وتفرحين وتفرحين زوجك وامك باذن الله

متيمة الهدواء

13-10-2022 - 07:08 am

الله يرزقك يارب
بالذرية الصالحه الباره
وتقر عينك وعين امك
بشوفة ضناك يارب
والله يسمعنا الاخبار الحلووه
قريب عنك وعن جميع البنات بالمنتدى
يالله يارحمن يارحيم ارزقنا جميعا بالذرية الصالحه

× أحْلى دُنيـــَـا ×

13-10-2022 - 08:09 am

الله يرزقك ويرزقنا الذرية الصالحة ونفرح أمهاتنا يارب يااكريم

just..dream

13-10-2022 - 09:10 am

الله يرزقنا وياك الذريه الصالحه السليمه عاجلا غير اجل

ام اسماء225

13-10-2022 - 10:11 am

حبيبتى ان شاء الله تفرحوا جميعا
ربنا يرزقك الذريه الصالحه

ارجوكم بنات من استشاركم ماخاب والمثل يقول اسأل مجرب ولا تسأل طبيب←
هل دورتي مو منتظمة→