اعتبرني اختكن واقفن معي الله يخليكن للاخر

السلام عليكم انا عضوه جديده ودايم اتابعكن والله اني اعتبركن خواتي وقلت ابكتب لكن مشكلتي
انا واعوذ بالله من كلمت انا ماعرف اختار اللي يناسبني ويناسب اطفالي لاني والله قبل
لا اتزوج كنت ساكنه بقريه وفيها شبه سوق كنت ماحب اروح له امي هي اللي تشتري لي كل شي
يخصني لاني اذا لزمت علي اروح مادري ايش اخذ اقول لها الله يخليها لي اانتي اشتري لي وهي بعد
عمري ماتقصر والله انه ذوقه حلو بعده تملكت وقالت عاد انتي اللي لازم تشترين حتى تتعلمين والله
اني اروح وانا كارههه عارفه نفسي ماراح اشتري شي لاني اعرف ذوقي مره دفش وبعده تزوجت
وسكنت وين بالرياض من قريه ل الرياض وانصدمت بالاسواق والانفتاح والله ماعرف اشتري الشي
اللي يناسبني لاني انا بطبيعتي احب الشي الهادي والنعوم بس اللي انا اشتري يكون عكس ذلك تماما
لي ولاطفالي وزوجي بعد عمري والله مايقصر اي شي ابيه يجيبه لي بس المشكله في
ماعندي ذوق وماعرف انسق الالوان
عاد اللي احتاجه منكن انكن تقفن معي وتعلمني كيف اشتري الملابس الاكسسوارات وكل
شي لي ولاطفالي بس مايكون ماركات لان الميزانيه ماتساعد ولا فاضح لان مجتمعنا محافظ بقوه الجبنيز والبناطيل والقصير ممنوع
الله يخليكن يا فراشاتي ساعدني واسفه اذا ثقلت عليكن وسامحني ع اسلوبي
انتظر كن
وخاصه بنات الرياض