اعتبروا لاتهدمون بيوتكم بيدينكم

السلام عليكم
حبايبي انا بدخل بالموضوع مباشرة وقسم بالله اني ماكتبت الموضوع
الا من خوفي عليكم وحرصي على حياتكم الزوجه من الانهيار ...
استغرب من بعض النساء الي تعرض صور لحياتها مع زوجها وتعرضها
وكأنها تسترجع البوم مع زوجها وتكتب عليها التعليق بالتفصيل ..
البعض يقول هذي صوري ليلة ذكرى زواجي وتصور غرفة النوم
ودورة المياه -اعزكم الله- والبعض توصل فيها الجرئه تصور ملابس نومها ..
البعض الان بيقول عادي طيب نستفيد من بعض صحيح نستفيد من بعض..
لكن ربي يسعدكم ويحفظكم .. بعرضكم لصوركم الخاصه
فيه من يشاهدها من بعض البنات الي نفسها تتزوج ولسه ماتزوجت
والي زوجها مهملها وعمره ماصار بينهم ليالي جميله وهادئه ...
بمثل الصور المعروضه
تقولون طيب راح نكتب ماشاء الله تبارك الله على الموضوع .. حبايبي
العين حق والبعض حتى لو مو نيته الحسد وحتى لو قال ماشاء الله ..
بعضهم يفزون ويحسدون لاشعوريا مو عمدا منهم ...
وهذي قصة اخوي مع زوجته ... ولكم فيهم العظه والعبره ...
اخوي وزوجته متعلقين في بعض لدرجة الجنون حتى انهم لهم 5 سنوات
من زواجهم ولا جاء لهم اطفال وكل واحد حرص منه مايجرح شعور الثاني
وقسم بالله ماراحوا يكشفون بالمستشفى .... من درجة حبهم في بعض..
وحياتهم ماشيه على افضل حال ...
زوجته مشرفه في احدى المنتديات.. المهم نزلت صور لأحدى الليالي الجميله لهم
وكانت الصور مره روعه من ترتيب في المكان والاغراض يعني جنان
وقسم بالله العظيم بعد نزوول الصور مالقوا خير ...
ياليتكم بس تشوفون كيف انقلب حالهم كل واحد ماصار يبغى الثاني وهي
عند اهلها الان ...
وعلى الوضع هذا لهم اشهر ... من مطوع لمطوع وبماء زمزم وقرأت قران عليهم..
والدليل انهم فيهم عين ....
اذا كانوا بعيدين عن بعض هو يبغاها وهي تبغاه واذا جوا ببيت واحد وحاولنا
نخليهم في مجلس واحد مارضوا وكأن الواحد عدو الثاني ومجرد افتراقهم عن
المكان يحنون لبعض ...
حالها وحاله مايسر عدو ولا صديق .... وربي اكتب لكم ودموعي تسبقني ...
بيت اخوي وحياته انهارت بسبب صور فقط ...الامر مو سهل كل وحده
اذا كانت مبسوطه في حياتها تقول الحمد لله وتشكر ربها وتدعي ربها يديم عليها
النعمه الي هي فيه مو تحوس نفسها ...
وقصه اخوي وزوجته لكم عبره واتمنى انكم تنشرونها من اجل اخذ العبره منها.
اللي ابغاه منكم تدعون ربي يعافيهم ويشافيهم ويخليهم لبعض ....
وربي مااشوف الكيبورد من دموعي وحسرتي عليهم ...
اللهم اني اسألك بأسمك الاعظم ...واسألك بقدرتك وعزتك وعظمتك
اللهم انك تعلم حال اخي خالد وزوجته اللهم فرج عنهم واجمع شملهم
اللهم انك اعلم ببر خالد لوالدي اللهم عوضه خير بره بسعادته في الدنيا والاخره
الله يحفظكم ويوفقكم ويسترعليكم ويسعدكم ....امين يارب العالمين
مانشرتها اللي من حرصي وخوفي عليكم وعلى حياتكم ... اتمنى كل من يدخل يرفع الموضوع بدعاء لهم .. وجزاكم الله الف خير
اعذروني اذا تسلسل الحديث فيه لخبطه لاني مااشوف من دموعي ..
الحمد لله على كل حال ..
للامانه منقول