عطر أنفاس
26-02-2022 - 07:22 pm
السلام عليكم ورحمة الله وبركاته
كيفكم جميعاً
..؟!!!
والله يابنات انا قبل تقريباً شهرين يعني الترم الأول كنت في الجامعة
وعاد تعرفون الجامعة لابد من الكشخة والفشخرة والدلع
قصيت شعري وصبغتة خصل
وكانت القصة من فوق سبايكي والباقي طويل لحد كتوفي ومدرج شوي
ولم تتصورون الوضع انا شعري مو ناعم
وصرت اقول لازم من الأستشوار وكل يوم وانا وذا الأستشوار
وبعدين حسيت ان الأستشوار ما ينفع يعني مايسيحة بزيادة
رحت وشريت اليسراميك وصرت كل بعد يومين استخدمة لين ما عدى الترم يعني ثلاث شهور على ذا الحال
وبعدين النتيجة ان شعري بدا يصلع وصار نفس شعر الدمى اي شي يقطعه اي مشط اي حركة اي لمسة يطيح شعري معاها
بعدين قمت استخدم زيوت وبلاوي والزيوت السبعة بس وربي ما نفع وما زاد شعري الا هم وغم
كنت اقوم بالليل وابكي اقول لأمي خلاص صلعت
وبعد فترة قلت بسوي خلطة وبشوف النتيجة
حطيت ثلاث ملاعق زبادي
وملعقة خل تفاح
وملعقة فاشكول بالثوم
وملعقة مايونيز
وفنجال زيت زيتون
ونادراً اضيف العسل والبيض ( الصفار )
والله يابنات وربي على ما اقول شهيد ان شعري الحين مدري شلون اتعامل معاه من كثرة
صار كثير الحمد لله والحين لين نص ظهري
والتدريج السبايكي اللي قصيته الحين لين عند كتوفي ( ماشاءالله تبارك الله )
وربي يابنات ماتندمون على الخلطة هذي
استخدمتها تقريباً شهرين كل بعد يومين احطها
وربي ان بنات الجامعه يسألوني وش سويتي وليش شعرك صار كثيف
والحمدلله انا للحين مستمرة ع الخلطة لأن التقصف باقي في الأطراف ومابي اقصة ابي ابعده وبأذن الله ماتجي الصيفية الا وشعري بدون تقصف
ونسيت اقولكم ابعدو عن الأستشوار في وقت العلاج
والله ولي التوفيق
الله يجزاك خير على افادتك لغيرك
بس حبيت اعرف طبيعة شعرك(دهني ولا جآآف)؟
وهل كنت تستخدمين شي معآآه ولا لا يعني زيوت ثانية او خلطآآت؟
واخر سؤال هل فيه نوعية شآآمبو معينة تستخدميها؟؟
والف شكر على افادتنا يالغلا