اغراض ضرورية يجب على العروس وضعها في حقيبة يدها يوم العرس

اكتر البنات يظنون ان شنتة العروس تكون فقط لوضع النقوط ولكن من بعد تجربة ومما حصل مع اختي يوم زفافها اللي كان بشهر خمسة يجب على العروس حمل الاغراض التالية في شنتتها يوم العرس وتحضيرها من قبل وممكن والدتك او اختك تحملها عنك لما تكوني مشغولة او وضعها خلفك فالشنتة ليست فقط للنقوط:
1- عطر (عينة مجانية من عطرك المفضل)
2- بودرة وجه (وذلك لانه مع الدموع او الشوب بيسيح المكياج والكحلة وبيصير دوائر سودا حوالين العين بتبين بالتصوير وازا مسحت بورق يزيل كريم الاساس ويظهر الفرق)
3-ملمع شفاه من لونك المفضل والافضل يكون قريب من اللون الذي تنوي وضعه لانه ممكن تاكلي ويروح او من اي شي تاني يروح
4-قلم كحلة لانو ممكن تبكي فتسيح الكحلة وممكن يدخل شي بعينك او تكوني متلي بتضلي تفركي عينك بس تحطي كحلة لحد ما تسيح
5- ملبس على نعنع او معطر فم لتغيير طعم الفم
6-حبة شوكولاته او اي قطعة حلوى من نوع لا يسيح وذلك لان اكتر العرايس بتكون من دون اكل او عاملة ريجيم او مع التوتر بينزل السكر معها وبتحس حالها دايخة لذلك الشوكولاته راح تنقذ الموقف
7-قطن الاستعمال اليومي تحسبا لطاريء انتو فاهمين علي صح
8- اشي مهم ولكن لا يوضع بالشنتة وهو حذاء احتياطي يوضع في سيارة اهلك لانو خواتي التنتين انكسر وصاحبتي انكسر كعب الكندرة يوم العرس علما انها جديدة وصرنا ندور على كندرة!!!! وانا خايفة تصير فيني
شو رايكم بنات في اشي تاني نسيتو؟؟؟
الله يسامح اللي تفوت وما ترد....