اغلب الناس تشوفني صغيره الا زوجي

1. بدون مقدمات ..


2. انا اللحين حامل والنفسيه مو مره وصايره ما اتحمل شيء ..

السلام عليكم ورحمه الله وبركاته ..
اخبار الفرشات الحلوات ان شاء الله تمام ..

بدون مقدمات ..

انا اللحين حامل والنفسيه مو مره وصايره ما اتحمل شيء ..

الموهيم .. من بدايات زواجنا انا اللحين لي سنه ونص متزوجه .. وفارق العمر بيني وبين زوجي 8 سنوات انا 20 وهو 28 سنه بس دايم يحسسني بأني كبيره ومع ان الكل يقولون تزوجت وهي صغيره ومدري ايش .. لكن هو لا .. وكم وحده بعد من خواته تقول لي شكلك اكبر من عمرك ومن هالكلام .. ماعلي من خواته علي منه هو .. اول زواجنا قال قالوا لي صغيره بس ماشاء الله ماتوقع تاريخ ميلادك صحيح احسك اكبر قلت بهدوء لا والله هذا تاريخ ميلادي وماما ولادتني بمستشفى يعني مافيها مجال للخطأ ان شاء الله .. ومره قال انا اعطيك بالعمر يوم شفتك بعدين ضحك وسكت قال اخاف تزعلين قلت لا قل كم ... سكت وقال 20 وهو يضحك مو مقتنع <<<< مايبي يزعلني
مره قال لي ( ياعجوزي ) انا انصدمت ومازعلت بس بينت انه مو عاجبني انه يقول لي كذا .. بعد فتره قالها ومشيت وبعدها قالها قلت لا ياعمري اجل انت وشو ؟؟ قال قولي لي ياشايب عادي قلت بس انت مو شايب وقال لي انتي ماتتحملين مزح .. المهم فيه واحد من زملائه اكبر مني ب 4 سنوات ويقول فلان كأنه ولدي .. وبنت اختي فلانه (اكبر مني بسنتين بأعترافها هي وقدامه بعد) والده قبل كم يوم جابت بنت يقول والله البزران صار عندهم عيال .. ضحكت وسكتت وانا والله انها في قلبي .. ومره قال بتصيرين يقولون لك ام فلان بيكبرك بعدين قال لالا عادي انتي مافيه اكبر منك ماشاء الله .. صديقه تزوج وزوجته من عمري او اصغر ان كثر بسنتين ودايم يقول مسكينه صغيره وتزوجت ، صغيره ومتزوجه ... واليوم جاي من الدوام يناديني ياعجوزي وقلت له بصراحه لاتقولي الا اذا عجزت قال ترا الموته وحده وشديت شوي لان الموضوع طفشني وقلت تعرف المثل ( قدرك على اللي مايثمنك غربال ) قال اللحين انا ما اثمنك قلت والله مدري عنك .. ماما وبابا الى الان يشوفوني صغيره واول زواجنا بابا قال له تراها صغيره شوي شوي ان شاء الله وبتجي معه على ماتبي .. قال لا الحمد لله حرمه ماعليها .. قهر مع ان والله اغلب اللي اعرفهم انصدموا يوم دروا اني بتزوج ويقولون ليش تزوجت اللحين صغيره مدري ان كانه يحكم على الطول هذا شيء ثاني ... منقهره منه مره كل اللي حواليني يشوفهم صغار وانا لا حتى اللي اكبر منه من اقاربه احيانا يقول ترا فلانه صغيره ومدري ايش رافع ضغطي اجل بعد كم ولد شبيقول الله يعين بس دعواتكم ياخواتي ..